Oʻzbekiston bayrogʻi

Bayrogʻidir rang-barang,

Toʻrt xil rangning ramzi bor.

Intilar koʻkka qarab,

Oʻzbekiston bayrogʻi.

Koʻzlarni qamashtirar,

Olamga nur bagʻishlar.

Koʻtaramiz yuksakka,

Oʻzbekiston bayrogʻin.

Koʻzni oladi qarang,

Birinchi rang-havorang.

Musaffolik ramzidir,

Tinch osmonga bir qarang.

Ikkinchi rang qizildir,

Qonimiz rangi misol.

Yuragimiz joʻsh urar,

Ajdodlarning qoni bor.

Unda bordir yashil, oq,

Oq rang misoli tinchlik.

Tabiat koʻrki-yashillik,

Dillardagi iliqlik.

Bayrogʻimda yarim oy,

Oʻn ikki yulduz porlar.

Iqbolimiz porloqdir,

Nurli yoʻllarga chorlar.

Vatanim bayrogʻini,

Koʻtarayin koʻklarga.

Goʻzal Oʻzbekistonim,

Tanitayin yurtlarga!

Surayyo Qodirova,

62-maktab oʻquvchisi.