Saylov-bayramday oʻtdi

Mamlakatimizda bayramlar koʻp. Lekin shu yilning 21-dekabr kuni Oʻzbekiston Respublikasi Qonunchilik palatasi, xalq deputatlari viloyat va tuman Kengashlari deputatligiga boʻlib oʻtgan saylovlar xalqimiz uchun katta va quvonchli bayramga aylanib ketdi. Shu kuni saylovchilar erta tongdanoq oʻz Konstitutsiyaviy fuqarolik burchlarini ado etish uchun bayramona bezatilgan saylov uchastkalariga kelib, barchasi saylov ruhi bilan yashayotganlarini amalda namoyon etdilar.

Oʻzbekiston Respublikasi Qonunchilik palatasi deputatligiga saylov oʻtkazuvchi 4-Amudaryo saylov okrugi hududidagi 121-sonli saylov uchastkasida fuqarolarning oʻz saylov huquqlarini amalga oshirishlari uchun zarur shart-sharoitlar yaratilganligi bois, saylov uchastkasi hududida fuqarolarning deyarli 98 foyizi ushbu siyosiy jarayonda faol ishtirok etishdi. Yaʼni, hududdagi 1653 nafar saylovchidan 1598 nafari oʻzlari tanlagan nomzodlari uchun yakdillik bilan ovoz berdilar.

Shunisi eʼtiborga molikki, saylov uchastkamiz boʻyicha 187 nafar yoshlar oʻz saylov huquqini ado etib, birinchi marta ovoz berdilar. Saylov uchastkasiga birinchi boʻlib kelgan va oʻz fuqarolik burchini ado etib, ona Vatan va millatmiz kelajagi uchun ovoz bergan saylovchilarga esa qimmatbaho sovgʻalar berildi.

Nafaqat bizning 121-sonli saylov uchastkasida, balki Oʻzbekiston RespublikasiOliy Majlis Qonunchilik palatasigasaylov oʻtkazuvchi 4-Amudaryo saylov okrugi hududidagi barcha saylov uchastkalaridaxalqimiz xayotidagi bu muhim siyosiy jarayon nixoyatda jipslik va yakdillik bilan oʻtdi.

Bahodir JUMAMURODOV,

Oʻzbekiston Respublikasi Oliy

Majlis Qonunchilik palatasi, QoraqalpogʻistonRespublikasi

Joʻqorgʻi Kengesi va xalqdeputatlari tuman Kengashiga

saylov oʻtkazuvchi

121-sonli uchastka saylov komissiyasi raisi.