TADBIR OʻQUVChILARNING RUS TILINI OʻRGANIShGA QIZIQIShINI OShIRDI
Mamlakatimizda xorijiy tillarni oʻrganishga eʼtibor kuchaymoqda. Chunki yoshlarning xalqaro tillarni bilishi – dunyo ilm-fani yutuqlaridan bahramand boʻlishiga imkon yaratishi bilan birga turli davlatlar yosh vakillarining oʻzaro muloqotga kirishiga va doʻstlik aloqalarini yoʻlga qoʻyishiga asos boʻladi.
Shu boisdan ham har yili noyabr oyida mamlakatimizning barcha umumiy oʻrta taʼlim maktablarida rus tili va adabiyoti fan oyligi uyushqoqlik bilan oʻtkaziladi. Fan oyligi munosabati bilan oʻtkaziladigan ochiq darslar, suhbatlar, viktorinalar oʻquvchilarning fanga boʻlgan qiziqishini oshiradi.
Tumanimizdagi 60-sonli maktabda ham fan oyligi doirasida tadbir oʻtkazildi. Tadbirda maktab direktori Sardor Rajabov, maʼnaviy-maʼrifiy ishlar boʻyicha oʻrinbosari Boʻtakoʻz Xudoyberganova, tillar boʻyicha uslubbirlashma raisi Feruza Gʻaniyevalar ishtirok etib, oʻquvchilarning rus tilini qanday oʻzlashtirayotganliklariga guvoh boʻldilar.
Tadbir davomida oʻquvchilar rus tilida sheʼrlarni ifodali oʻqidilar. Ertaklar qahramonlari suratlarini chizib, bu haqda rus tilida ravon gapirishlari bolalarning iqtidorini yaqqol koʻrsatib berdi. “Kimning yozuvi eng chiroyli”, “”Kim eng koʻp kitob oʻqigan?” bahslaridan soʻng, oʻquvchilar krossvord yechish, tez aytish, topishmoq, maqol aytish boʻyicha ham bellashib, gʻoliblar aniqlandi.
Tadbirning badiiy qismida oʻquvchilar rus yozuvchilari ijodidan sahna koʻrinishi, sheʼr, qoʻshiqlar ijro etdilar.
Tadbirda faol qatnashgan oʻquvchilarga Faxriy yorliqlar, qiziqarli kitoblar topshirildi.
Fan oyligi ish rejasiga muvofiq oʻtkazilgan kecha oʻquvchilarning rus tilini oʻrganishga qiziqishlarini yana ham oshirgani bilan ahamiyatli boʻldi.
Tozagul SAFARNIYoZOVA, shu maktab oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
