KREDIT MABLAGʻINI NOQONUNIY OʻZLAShTIRGAN TADBIRKOR JINOIY JAVOBGARLIKKA TORTILDI
Yosh tadbirkor Sh.S. (ismlar oʻzgartirilgan) oʻzi rahbarlik qilib kelayotgan MChJ nomiga uni kengaytirish maqsadida “Agrobank” ATBning tuman filialidan 150 mln. soʻm imtiyozli kredit mablagʻlarini olishga erishdi. Ushbu kredit mablagʻlarini MChJ uchun zarur boʻlgan asbob-uskuna sotib olish maqsadida boshqa tadbirkor rahbarlik qilayotgan MChJ hisob-raqamiga oʻtkazdi. Ammo asbob-uskuna olmasdan, ajratilgan 150 mln. soʻmlik kredit mablagʻlarini 131 mln. soʻm naqd pul koʻrinishida qaytib oldi. Maʼlum boʻlishicha, tadbirkor Sh.S. bank tomonidan ajratilgan juda koʻp miqdordagi, yaʼni 150 mln. soʻm imtiyozli kredit mablagʻlarini maqsadli ishlatish oʻrniga oʻzlashtirish yoʻli bilan talon-taroj qilib yuborgan.
Albatta, bu harakatlari bilan tadbirkor Sh.S. Oʻzbekiston Respublikasi Jinoyat kodeksining 167-moddasida koʻrsatilgan jinoyatlarni sodir qilganlikda ayblandi. Shunga asosan boʻlib oʻtgan sud ishi davomida bu oʻzining tasdigʻini topdi.
Sud yakunida tadbirkor Sh.S. ga harakatlarining ijtimoiy xavflilik darajasini va sodir etilgan jinoyatning xarakterini, uning shaxsini, aybiga iqror boʻlgani, qilmishidan pushaymonligi, oilaviy sharoiti, qaramogʻida farzandlari borligi, ish boʻyicha moddiy zarar qisman qoplangani inobatga olinib, tegishli jazo tayinlandi.
A.Safarov, Jinoyat ishlari boʻyicha Amudaryo tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
