OTA KASBINI TUTIB, KAMOL TOPGAN “MÖʼTABAR AYoL”

Oila davrasi. Özaro mehr-oqibat, bir-birovga hurmat, ehtirom tamoyiliga asoslangan mustahkam birlik – möʼjizgina jamiyat, oilaning har bir aʼzosi uçun dunyodagi eng obod, eng çaroğon va bağri issiq, bağri keng göşa.

Bosuv mahallalik (Alloh rahmat qilsin) Ismoil ota Xöjamurodov ana şu keng göşaning kelbatli sohibi edilar. Otaxon butun oila aʼzolari – 10 nafar farzandi, kelinlari, nabiralari jamligida, dasturxon törida umr yöldoşi (Alloh rahmat qilsin) Oyman ena bilan birgalikda taomlanişni xuş körguvçi inson edilar. Butun umrini el-yurt farzandlarini ilmli-maʼrifatli qilişga bağişlangan Ismoil muallim farzandlarini duo qilganlarida albatta: “Mening yölimni bersin!” deya yoruğ niyatlar bilan öğil-qizlarini işga, öqişga kuzatib qöyardi. Uylarining har bir xonasida javonlar kitoblarga töla Ismoil ota bilan Oyman ena tarbiyasini olgan 5 öğil, 5 qizning barçasiga haqiqatan ham Alloh Ismoil otaning ibratli hayot yölini, Oyman opaning mehr-muhabbatli fazilatlarini berdi. “Xöjamurodovlar sulolasi” degan yuksak hurmat va ehtiromga havasga munosib oila saltanati şakllandi.

Şukurjon opa Xöjamurodova ana şu gözal oila saltanatida voyaga yetib, ota kasbi – öqituvçilikni tanladi. Umumtaʼlim maktabini muvaffaqiyatli tugatib, Toşkent Davlat çet tillari pedagogika institutiga öqişga kirdi. Öz yönalişi ingliz, nemis tillaridan taşqari, rus tilini ham mukammal örgangan tirişqoq qiz 1981-yilda oliygohni tugatib, özi taʼlim olgan jonajon ilm dargohi – 26-sonli maktabda öquvçi-yoşlarga nemis tili fanidan dars bera boşladi. Ilk iş boşlagan kuni hamon yodida:

– Endi sen kiçkina odam emassan, – dedi ham ustozi, ham rahbari, öşa paytdagi maktab direktori bölgan otasi Ismoil ota Xöjamurodov, - murabbiy-ustozsan, qizim. Faoliyatingga talab ham şunga yaraşa böladi. Avvalo, 10 yillik maktab taʼlimi, 5 yillik oliygoh taʼlimini, qolaversa, ota-onangning işonçini oqlaş uçun harakat qilişing kerak.

Yoş pedagog uçun otasining bu gaplari butun umriga taʼtigulik ögit, bundan ham muhimi, mayoq böldi. Otasi aytganiday, özini 15-yil beminnat öqitib, ilm-u ziyoli, kasb-korli qilgan ona Vataniga, oilasiga munosib farzand böliş uçun intilib yaşadi. Öz pedagoglik faoliyatini 26-sonli maktabda boşlagan Şukurjon opa Xöjamurodova 3-yil davomida Bosuv mahalla yoşlariga nemis tili fanidan dars berdi. Özi tuğilib-ösgan xonadon kabi bağri keng, maʼrifatli, ziyoli oilaga suyukli kelin, vafodor umr yöldoşi bölgan Şukurjon Xöjamurodova uçun 1984-yil yanada ezgu, yoruğ niyatlar bilan yaşaş baxtini ato etdi. Öşa yili Amudaryo tuman Mudofaa işlari bölimi xodimi bölgan umr yöldoşi Baxtiyor Yoqubov bilan qurgan oila qörğonining osoyişta va gözal makonga aylanişi uçun mehr-muhabbat tuyğulariga oşna fidoyilik onlari boşlandi. 1984-yildan 31-sonli umumtaʼlim maktabda ingliz tili fani öqituvçisi sifatida pedagogik faoliyatini davom ettirgan Şukurjon Xöjamurodova maktabda jonkuyar ustoz, oilada epçil va xuşmuomala kelin, yillar ötib, biri-biridan şirin farzandlarning mehribon onasi böldi. 5 nafar qiz va bir öğilni el-yurt koriga munosib insonlar qilib tarbiyalaş, qaynota-qaynonasi oldidagi kelinlik vazifasini maromiga yetkazib ado etiş, rafiqa sifatida umr yöldoşiga mehr körsatiş, bekalik majburiyatlarining uddasidan çiqiş – bularning barçasi Şukurjon Xöjamurodovaning şaxs sifatida şakllanişida çinakam fidoyilik yöli böldi.

U 33 yillik pedagogik faoliyati davomida yuzlab yoşlarga ustozlik qildi. Şogirdlari orasida el-yurt hurmatiga sazovor rahbar xodimlar, öqituvçi-murabbiylar, şifokorlar, muhandis va meʼmorlar bor. Ularning kamolini, hayotda erişayotgan muvaffaqiyatlarini körgani sari köngli toğday yuksaladigan Şukurjon Xöjamurodova ötgan hayot yöllariga nazar taşlab, beixtiyor şukronalar keltiradi.

Umr yöldoşi Baxtiyor oğa Yoqubov bilan şirin orzular oğuşida 6 nafar farzandi va nevaralari quvonçidan yaşnab yurgan kezlarini eslaganida könglida kamlik sezadigan Şukurjon opaning tilidan baribir şukronalar tuşmadi.

– Allohning irodasi ekan-da, 2019-yilda Baxtiyor akangizdan ayrilib qoldik, orzu-niyatlarimiz köp edi... çehrasi biroz munglanib armon bilan sözlayotgan onaxon yana şukrona keltiradi. – Farzandlarimiz omon bölişsin!

Ha, azizlar, opaning yuragini töldiruvçi ham, hayotini gullatuvçi ham farzandlarning omonligi, baxti-kamoli. Bu jihatdan Şukurjon opa baxtga muşarraf onalardan. Qizlarining barçasi öqimişli, ona kasbini tanlagan. Katta qizi Şoiraxon 9-sonli bolalar musiqa va sanʼat maktabining dutor sinfi öqituvçisi, Mahbubaxon 40-sonli maktabda boşlanğiç sinf öqituvçisi, Irodaxon ham taʼlim sohasi xodimasi, Maʼmuraxon bilan Mohinur ham oliy maʼlumotli pedagoglar.

Oilaning kenjasi Diyorbek ayni paytda Toşkent Davlat iqtisodiyot universitetining 3-bosqiç talabasi.

Şukurjon opaning xonadoni nafaqat turli bayram sanalarida, balki deyarli har kuni yaxşilar qadamidan obod va çaroğon. Har biri bir oilaning sevimli bekasi bölgan qizlarining birini kuzatib qöysa, yana biri “onajon!” deb eşikdan kirib kelişadi. Nevaralari uçun esa Şukurjon momosidan mehribon momo yöq dunyoda. Sobiq hamkasb döstlari, şogirdlari taşrifidan yaşnab-yaşarib ketadigan Şukurjon opa xonadoni 8-mart – Xalqaro xotin-qizlar bayrami arafasida va bayram kunlari yaxşilar qadamidan yanada yaşnab ketdi. Uzoq yillar taʼlim-tarbiya sohasida işlab, köplab iqtidorli yoşlarga ustozlik qilgan, biri-biridan aqlli, bilimdon, el-yurtga munosib farzandlarni tarbiyalab, voyaga yetkazgan Şukurjon opa Xöjamurodovaning mehnatlari davlatimiz tomonidan munosib baholanib, “Möʼtabar ayol” kökrak nişoni bilan taqdirlandi. Bayram arafasidagi bu xuşxabar Şukurjon opa va uning yaqinlariga, sobiq hamkasb döstlari va şogirdlariga quvonç bağişladi. Şu kuni bahor gullari bilan yaxşilar qadamidan bu tabarruk xonadon yanada obod böldi. Butun umrini yoş avlod taʼlim-tarbiyasiga bağişlagan ikki muhtaram zot – Ismoil ota Xöjamurodov va Sobir ota Yoqubovlarni bilganlar borki, katta ehtirom bilan ona Vatani “Möʼtabar ayol” nişonini köksiga taqib qöygan haqiqatan ham fidoyi va möʼtabar onaxonni çin dildan muborakbod etişdi.

Xalqimiz “El yurtga qilgan yaxşiliging – vaqt ötib özingga ummon bölib qaytadi” degan hikmatni bejiz yaratmagan. Şukurjon opa Xöjamurodova yoşlik kuç-ğayratini, bilimini va mehrini baxş etgan eli, Vatani uni bugun eʼzozladi, möʼtabar va aziz qildi. Bir ayol, ona uçun bundan uluğ baxt bormi, azizlar!

Robiya YÖLDOŞEVA.