“XALQ KONSTITUTsIYaSI BILAN XALQChIL DAVLAT SARI!” ShIORI OSTIDA TARGʻIBOT TADBIRI OʻTKAZILDI
Amudaryo tumanida Respublika targʻibotchilar guruhi ishtirokida referendumda faol boʻlishga chorlovchi “Xalq Konstitutsiyasi bilan xalqchil davlat sari!” shiori ostida maʼnaviy-maʼrifiy targʻibot tadbirlari tashkil etildi.
18-aprel kuni Respublika Maʼnaviyat va maʼrifat markazi tomonidan tashkil qilingan ushbu tadbir dastlab Daryoboʻyi mahallasidagi 21-sonli Bolalar musiqa va sanʼat maktabida oʻtkazildi. “Inson qadri ustuvor boʻlgan yurtda rivojlanish boʻladi” nomli musiqiy-badiiy tadbirda 140 nafardan ziyod amudaryoliklar ishtirok etishdi. Ular Respublikadan tashrif buyurgan sanʼatkorlar ijrosidagi Vatan, tinchlik haqidagi kuy-qoʻshiqlarni tinglab, tomosha qilishdi. Elimiz suygan sanʼatkorlarning chiqishlari tadbir ishtirokchilariga juda katta zavq bagʻishladi.
Tadbir davomida Respublikadan tashrif buyurgan targʻibotchilar guruhi Daryo boʻyi mahallasida yashovchi boquvchisini yoʻqotgan Fazilat Matyoqubova xonadoniga tashrif buyurib, oila holidan xabar olishdi va ularga homiylik yordamlarini koʻrsatishdi.
Kunning ikkinchi yarmida tadbirlar tuman Madaniyat boʻlimining kontsertlar zalida davom ettirildi. Unda Respublika targʻibotchilar guruhi “Xalq Konstitutsiyasi bilan xalqchil davlat sari!” mavzusida yangi qabul qilinishi rejalashtirilgan Konstitutsiya maʼno-mazmuni, xotin qizlar, yoshlar va aholini qoʻllab-quvvatlash boʻyicha kiritilayotgan oʻzgarishlar, yangi normalar bilan tanishtirishdi.
Har bir mamlakat Konstitutsiyasi uning siyosiy-huquqiy tafakkurining yuksak namunasi ekanligini aytib, soʻnggi yillarda mamlakatimizda Yangi Oʻzbekistonni qurish yoʻlida salmoqli yutuqlarga erishilgani, Konstitutsiyaga oʻzgartishlar kiritish boʻyicha boʻlib oʻtadigan referendum mamlakatimizning zamonaviy tarixida muhim siyosiy voqea ekanini alohida eʼtirof etishdi.
Tadbirda Asosiy qonun loyihasini tayyorlash jarayonida fuqarolarning faol ishtirok etgani va Bosh qonunimiz mamlakat hayotining barcha jabhalarida kechayotgan tub oʻzgarishlarning uzviy qismi ekanligi, ularning mustahkam huquqiy asosini yaratishi hamda jamiyatdagi bugungi real voqelikka va shiddatli islohotlarga moslashtirilgani toʻgʻrisida batafsil tushunchalar, maʼlumotlar berildi.
Yangi tahrirdagi Konstitutsiya chinakam xalqparvar davlatchilik asoslarini yaratishi, aholi farovonligini oshirishi, inson huquq va manfaatlari, qadr-qimmatini yanada yuksaltirishi hamda jamiyat hayotining barcha sohalarida muhim omil boʻlishi, asosiysi Yangi Oʻzbekiston taraqqiyotida yangi davrni boshlab berishi alohida taʼkidlandi.
Zulfiya nomli Davlat mukofoti sovrindori, amudaryolik Barno Samandarova ham Konstitutsiyaviy qonun loyihasida yoshlarga oid yangi normalar belgilanayotganidan yanda ruhlangani haqida soʻzladi. Shuningdek, yangi tahrirdagi Konstitutsiyada davlat yoshlarning shaxsiy, siyosiy, iqtisodiy, ijtimoiy, madaniy, ekologik huquqlari himoya qilinishini taʼminlashi, ularning jamiyat va davlat hayotida faol ishtirok etishini ragʻbatlantirishi haqidagi normalar kiritilganini aytib oʻtdi. Respublikaning eng chekka hududidan boʻlishiga qaramasdan, ushbu mukofotni olishga muvaffaq boʻlgani yoshlarga qaratilgan eʼtiborni yorqin dalili ekanligini faxr bilan eʼtirof etdi.
Tadbirda Respublikadan tashrif buyurgan taniqli sanʼatkorlar va tuman Madaniyat boʻlimi xonandalari tomonidan musiqiy dastur namoyish etilib, ishtirokchilarga bayramona kayfiyat ulashildi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
