MAKTABDA "TAʼTILDA" NOMLI NOANʼANAVIY TADBIR OʻTKAZILDI
Shu kunlarda umumtaʼlim maktablarining oʻquvchilari yozgi taʼtilda miriqib dam olishmoqda. Ayrimlari soya-salqin joylardagi oromgohlarga yoʻl olishgan boʻlsa, baʼzilari ota-onalariga uy ishlarida koʻmaklashib, boʻsh vaqtlarida kitob oʻqish bilan band boʻlishmoqda. Shuningdek, turli toʻgaraklarga qatnab, taʼtildan unumli foydalanishmoqda.
Bizning 10-sonli maktabning boshlangʻich sinf oʻquvchilari ham ayni paytdagi yozgi taʼtilni oʻz uylarida oilalari bagʻrida oʻtkazishmoqda.
Yaqinda 1-“A” sinf oʻquvchilarining taʼtil kunlarini mazmunli oʻtkazishlarini taʼminlash maqsadida ota-onalar va oʻquvchilar oʻrtasida "Taʼtilda" nomli noanʼanaviy tadbir oʻtkazdim. Tadbirda dastlab bolalar yil davomida oʻrganganlari asosida "Siz buni bilasizmi?" rukni ostida birinchi kitoblar qanday paydo boʻlganligi haqida maʼlumotlar berdilar. Shundan soʻng, oʻzlari uchun sevimli boʻlgan kitoblarini rangli qogʻozlardan foydalanib, applikatsiya usullarida yasab koʻrsatishdi.
Tadbirda ota-onalar ishtirokida ham oʻyin tarzidagi mashgʻulotlar oʻtkazildi. Ular farzandlari bilan yozgi taʼtilni oʻtkazish boʻyicha rejalarini bir-birlariga soʻzlab berishdi.
Qiziqarli oʻtgan tadbir ota-onalarga ham, oʻquvchilarga ham juda manzur boʻldi.
Umida Oʻrozimbetova, 10-sonli maktabning boshlangʻich taʼlim oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
