BOLALARDA GIJJA KASALLIKLARINING OLDINI OLISh BOʻYIChA TADBIRLAR OʻTKAZILMOQDA
Amudaryo tumani sanitariya epidemiologik osoyishtalik va jamoat salomatligi boʻlimi tomonidan tumandagi barcha bolalar oʻquv muassalarida bolalar orasida parazitar kasalliklarining profilaktikasi boʻyicha belgilab olingan chora-tadbirlar yuzasidan amaliy ishlar tashkil etildi. Boʻlim laborant-parazitologlari tomonidan bolalar oʻquv muassalarida joyiga chiqqan holda gijja kasalliklariga laborator tekshiruvlari yoʻlga qoʻyildi.
Taʼkidlash joizki, bolalarda gijjalar paydo boʻlishi eng katta xavf-xatarlardan biridir. Organizmda bunday parazitlarning paydo boʻlishi bolaning rivojlanishiga yomon taʼsir koʻrsatishidan tashqari, ovqat hazm qilish tizimida ham namoyon boʻladi. Shifokorlarning hisob-kitobiga koʻra, har 10 bolaning 8 nafarida parazitlar aniqlanadi. Lekin gijjalarning alomatlari hammada ham namoyon boʻlavermaydi. Koʻpchilik bolalarda gijjalar yashirin shaklda paydo boʻladi. Bolalarda meʼda-ichak yoʻllari mutlaqo himoyasiz boʻlgani uchun, uning bu sohadagi taʼsirlarga duchor boʻlish va yuqtirish imkoniyati kattaroq boʻladi.
Tekshiruvlar davomida gijja kasalliklari aniqlangan bolalar bilan muloqotda boʻlganlardan zarur analizlari olinib gijja kasalliklariga tekshirilib, gijja kasalliklari aniqlangan bolalarda va musbat natija qayd etilganlar bilan muloqotda boʻlganlarda sogʻlomlashtirish choralari oʻtkazilmoqda. Boʻlim shifokorlari tomonidan oʻquv muassalarida bolalar orasida parazitar kasalliklarining yuqish yoʻllari, kasallik alomatlari, alomatlari gijja kasalliklariga gumon qilinganda shifokorga murojaat qilish va kasalliklardan saqlanish tartib-qoidalari hamda shaxsiy gigiyena qoidalari haqida tushuntirish ishlari olib borilmoqda.
J.Kamolov, tuman SEO va JS boʻlimining Parazitologiya boʻlinmasi mudiri.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
