Oʻzbekiston xalq shoirasi Halima Xudoyberdiyeva xotirasiga hurmat-ehtirom koʻrsatildi
Hozirgi zamon oʻzbek adabiyotida oʻziga xos ijod maktabini yaratgan, oʻz asarlari bilan qardosh xalqlar, ayniqsa turkiy tilli davlatlar adabiyot shinavandalari eʼtiboriga sazovor boʻlgan ijodkorlar talaygina. Ulardan biri yigirmanchi asrning ikkinchi yarmi va yigirma birinchi asr boshida yashab ijod etgan otashnafas shoira Halima Xudoyberdiyevadir.
Oʻtgan asrning 70-yillarida betakror ovozi, jarangdor sheʼriyati bilan adabiyot maydoniga kirib kelgan Oʻzbekiston xalq shoirasi Halima Xudoyberdiyeva oʻz ijodiy faoliyati davomida davomida biri-biridan joʻshqin sheʼrlari, dostonlari bilan oʻzbek sheʼriyati osmonida misli quyoshday porladi. Uning sheʼrlari kirib bormagan xonadon qolmadi. Radio toʻlqinlari orqali jarang sochgan shoira ovozi millionlab sheʼriyat shinavandalari qalbini zabt etdi. Mamlakatimizda shoira ijodi, oʻlmas merosini oʻrganish, asarlarini qayta nashr etish, oʻquv muassasalarida jamoat tashkilotlarida Halima Xudoyberdiyeva xotirasiga bagʻishlangan maʼnaviy-maʼrifiy tadbirlar oʻtkazish esa anʼanaga aylangan.
Joriy yilning 7-iyun sanasida Amudaryo tuman Axborot-kutubxona markazida tashkillashtirilgan "Sheʼriyatga oshno koʻngillar" mavzusidagi maʼnaviy-maʼrifiy tadbirda ham oʻzbek xalqining ardoqli shoirasi xotirasiga cheksiz hurmat-ehtirom koʻrsatildi. Tadbirda Axborot-kutubxona markazi bibliografiya boʻlimi xodimlari tomonidan shoira ijodiga bagʻishlangan, "Nafosat kuychisi" deb nomlangan koʻrgazma tashkil etildi va shoiraning turli yillarda chop qilingan kitoblari, ijodiy faoliyatini aks ettiruvchi suratli lavhalar, dunyo va qardosh xalqlar tillariga tarjima qilingan asarlari haqida hikoya qiluvchi maqolalar , monografiyalar tadbir ishtirokchilarida katta taassurotlar qoldirdi. Tadbir davomida shoiraning turli mavzulardagi sheʼrlari oʻqilib, yangidan chop etilgan kitoblari sheʼriyat shinavandalari va muxlislariga tavsiya etildi.
Oʻzbekiston xalq shoirasi Halima Xudoyberdiyeva xotirasiga bagʻishlangan bu kabi tadbirlar Amudaryo tumanining maʼnaviyat va maʼrifat maskanlari boʻlmish kutubxonalarda, taʼlim-tarbiya muassasalari va jamoat tashkilotlarida davom etmoqda.
Rohatoy Ramonova, Amudaryo tumani Axborot kutubxona markazi Axborot-bibliografiya xizmati rahbari
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
