Taʼlim-tarbiyaga baxşida umr

Har bir şaxs hayotda öz örnini topişga, jamiyat taraqqiyo­tiga munosib hissa qöşişga intiladi. Oramizda şunday odamlar borki, ularning faoliyati jonkuyarlik namunasi bölib, yoş avlod kelajagini taʼminlaşga xizmat qiladi. Bu kabi insonlarni bir söz bilan fidoyi ustoz, deb ataşimiz mumkin. Umrini taʼlim-tarbiya sohasiga bağişlagan Gulmirza Babajonovning kasbiy faoliyati ham şunday eʼtirofga munosib.

1964-yil 15-mart kuni Xitoy ovulida tuğilgan Gulmirza Babajonov serfarzand, mehnatkaş dehqon – Tajiboy ota va Nazira momolar tuzgan namunali oila muhitida voyaga yetdi. Qişloq hayoti, doimiy mehnat bilan uyğun turmuş tarzi yoş Gulmirzani bolalikdan çiniqtirdi. Ilmga bölgan iştiyoqi esa maktab davridanoq yaxşi bilim olişga undadi.

Dastlab öşa davrdagi Hamid Olimjon nomli (hozirgi 78-sonli) boşlanğiç maktabda ilk saboqlarni oldi, 4-sinfdan esa 52-sonli maktabda tahsilni davom ettirdi. Bilimga çanqoqligi tufayli umumtaʼlim maktabini muvaffaqiyatli tamomlab, katta orzular bilan maqsadlari tomon intila boşladi.

Maktab tahsilidan keyin harbiy xizmatga çaqirilgan Gulmirza Babajonov 2-yil davomida armiya safida xizmat qildi. Bu yillar uning şaxsiy kamoloti yölida muhim ahamiyat kasb etib, katta tajriba va saboqlar bilan tölgan davrga aylandi. 1984-yilda harbiy xizmatni tugatib, ovulga qaytdi. Ötgan yillar ösmir Gulmirzada qatʼiyat va masʼuliyat könikmalarini şakllantirdi.

1986-yilda taqdir Gulmirza Babajonovni Toşkent davlat xorijiy tillar instituti (hozirgi Özbekiston davlat jahon tillari universiteti)ga yetakladi. Imtihonlardan muvaffaqiyatli ötib, oliygohning frantsuz tili fakultetiga qabul qilindi. Öqiş davomida kunduzi taʼlim olib, keçqurun Çilonzor tumanidagi 37-sonli maktabda qorovullik qildi. 1992-yilda institutni muvaffaqiyatli tugatib, frantsuz tili va milliy maktablarda rus tili va adabiyo­ti fani öqituvçisi mutaxassisligi böyiça diplom oldi.

Şu yili 52-sonli maktabda Gulmirza Babajonovning rus tili va adabiyoti fani öqituvçisi sifatidagi mehnat faoliyati boş­landi. U darslarni yuqori saviyada taşkil etiş bilan birga maktabdagi jamoat işlarida ham faol böldi. Mehnatkaşligi va taʼlim-tarbiya jarayoniga masʼuliyat bilan yondaşuvi tufayli yuqori taşkilotlarning Faxriy yorliqlari bilan taqdirlandi. Bu eʼtirof yoşlar bilan işlaşdagi masʼuliyatni yanada kuçaytirdi.

2011-yilda maktab direktorining maʼnaviy-maʼrifiy işlar böyiça örinbosari lavozimiga tayinlanib, 2016-yilgaça bu vazifada sidqidildan mehnat qildi. Şu bilan birga, 2013-yilda Namuna mahalla fuqarolar yiğinida mahalla raisi va maslahatçilar saylovini taşkil etiş guruhi rahbari sifatida ham işladi. Bu masʼuliyatli vazifani muvaffaqiyatli bajargani uçun 2014-yilda tuman hokimi tomonidan “Taşakkurnoma” bilan taqdirlandi.

Qahramonimiz 2014-2019-yillarda Xalq deputatlari Amudaryo tuman Kengaşi deputati sifatida ham samarali faoliyat yuritdi.

Turmuş örtoği Sayyora Rajapova bilan ikki öğil va ikki qizni tarbiyalab, ularni ham jamiyatga naf keltiradigan insonlar etib voyaga yetkazişdi. Oilaviy baxt, işga sadoqat va ustozlik masʼuliyati uning hayotdagi asosiy qoidalaridir.

Hozirgi kunga qadar yoşlarning sevimli ustozi Gulmirza Babajonov 52-sonli maktabda rus tili va adabiyoti fanidan öquvçilarga dars berib kelmoqda. 2021-yil may oyidan boşlab bir muddat ijodiy-madaniy masalalar böyiça tarğibotçi sifatida ham faoliyat olib bordi.

Gulmirza Babajonov uçun ustozlik faqat kasb emas, balki hayotining mazmunidir.

Şohzod Qurbonboyev.