Ayoqçi mahallasidagi “yettilik” yurt farovonligi yölida

Mamlakatimizda amalga oşirilayotgan islohotlar jarayonida mahalla instituti faoliyati yangiça mazmun kasb etmoqda. Davlat rahbarining taşabbusi bilan joriy etilgan “Mahalla yettiligi” tizimi mahallalarda ijtimoiy barqarorlikni taʼminlaş, aholining turmuş darajasini oşiriş, tadbirkorlikni rivojlantirişga xizmat qilmoqda.

Amudaryo tumanining markazdan olis hududida joylaşgan Ayoqçi mahallasida aholi asosan dehqonçilik, çorvaçilik, parrandaçilik kabi sohalar bilan şuğullanib keladi. Hududda “Mahalla yettiligi” faoliyati natijasida kiçik biznes va tadbirkorlikning ösişi kuzatilmoqda. Mahalla raisi boşçiligida barça xodimlar mahalladoşlarini işbilarmonlikka undab, ularni har tomonlama qöllab-quvvatlab kelmoqda.

Yoş tadbirkor Yulduz Ismoilova köp yillardan buyon tikuvçilik bilan şuğullanib keladi. Sönggi yillarda iş kölamini kengaytirib, mustaqil tsex faoliyatini yölga qöygan. Hozirda buyurtma asosida körpa, töşak, yostiq, körpaça kabi har bir xonadonga zarur bölgan mahsulotlar tayyorlaydi. Zamonaviy tikuv uskunalari faoliyatga jalb etilganidan söng iş samaradorligi ança oşdi. Tadbirkorga mahalladagi masʼullar, jumladan, xotin-qizlar faoli Nargiza Ahmedova tomonidan zarur yordamlar körsatilyapti.

Ayoqçi mahallasining deyarli har bir xonadonida çorvaçilik va parrandaçilik faoliyati yölga qöyilgan. Ilhom Matjonov xonadonida ham çorvaçilik oila uçun barqaror daromad manbaiga aylangan. Çorvadorning aytişiça, öz vaqtida parvarişlangan va töğri ozuqa bilan taʼminlangan çorva tez ösadi va yaxşi foyda beradi. Mamlakatimizda göşt mahsulotlarining katta qismi aynan yakka tartibda parvarişlanayotgan çorva hissasiga töğri keladi. Bu esa bozorda göşt narxining barqaror bölişiga xizmat qilmoqda.

Guliston Yöldoşeva esa mahalladagi 69-sonli umumtaʼlim maktabida öqituvçi bölib işlaş bilan bir qatorda xonadonida parranda yetiştirişni ham yölga qöygan. Aprel-may oylarida tuxumlardan çiqqan jöjalar alohida parvariş qilinadi. Ularni parvarişlaş oson emas aslida. Jöjalar turli kasalliklar va zararkunanda haşarotlarga qarşi muntazam ravişda emlanişi, zarur vitaminlar bilan taʼminlanişi lozim, deydi qahramonimiz.

Yoşlarga yer ajratiş orqali ularning bandligini taʼminlaşda ham ijobiy natijalar közga taşlanmoqda. Yer – dehqon uçun daromad, mahalla farovonligi, bozorlarimizga esa mahsulot manbai. Mahallada yaşovçi Şohrux Matkarimovga ham yer ajratilgan. U mavsumga mos tarzda ekin ekib, yaxşi daromadga ega bölmoqda. Ayni kunda dalasidagi tarvuz palaklari hosilga kirib, yetilib ulgurgan. Sara hosilning esa bozori çaqqon böladi, xaridorlar dalaning özidan ham olib ketişadi. 1 ta tarvuz örtaça 10 kilogramm toş bosadi.

Şohrux Matkarimov faqat tarvuzdan taşqari mavsumga mos boşqa poliz va sabzavot mahsulotlarini ham yetiştirib kelmoqda. Mehnat va bozor ehtiyojini hisobga olgan holda taşkil etilgan faoliyat samara berişi şubhasiz. Yoşlar yetakçisi Zafarjon Örazmetov boşçiligida ğalladan böşagan yerlar ham takroriy ekin uçun yoşlarga berilyapti.

Ayoqçi mahallasida şlakoblok va ğişt işlab çiqariş faoliyati ham yölga qöyilgan. Tadbirkor Ğulomjon Rahimov taşabbusi bilan taşkil etilgan tsexda mahallaning yoşlari iş bilan band. Ular bu yerda daromad topiş bilan birga, kasb-hunar ham örganmoqda. Mamlakatimizda keç bahordan kuzgaça quriliş işlari avj oladi. Ayniqsa, hovli atrofini devor bilan öraşda şlakoblok mahsulotlariga talab yuqori.

Ayoqçi mahallasining bugungi qiyofasi — mamlakatda amalga oşirilayotgan keng kölamli islohotlar, “Mahalla yettiligi” tizimi va aholi mehnati samarasini özida aks ettiradi. Har bir ovul va mahallaning taraqqiyoti, farovonligi, tinç va obod hayoti unda yaşovçi yurtdoşlarimizning jonkuyar saʼy-harakatlariga boğliq. Mahalla ahli bir maqsad – yurtni rivojlantiriş uçun mehnat qilsa, bu yerda albatta rivojlaniş böladi.

Şohzod Qurbonboyev.