Toş Yop ovulidagi «Zebo» MTTda “Mehrjon” bayrami nişonlandi
Inson dunyoqaraşi, qadriyatlarga munosabati va atrofdagi olamni idrok etiş könikmalari asosan ilk bolalik yillarida şakllanadi. Şu bois mamlakatimizda maktabgaça taʼlim tizimini rivojlantiriş, bolalarni boğça taʼlimi bilan töliq qamrab oliş va bu jarayonga xususiy sektorni keng jalb etiş davlat siyosatining ustuvor yönalişlaridan biri sifatida izçil amalga oşirilmoqda.
Ayniqsa, davlat-xususiy şeriklik asosida taşkil etilayotgan maktabgaça taʼlim taşkilotlari nafaqat şaharlarda, balki çekka ovul va mahallalarda ham bolalarning sifatli taʼlim-tarbiya olişiga keng imkoniyat yaratmoqda. Bunday muassasalarda maşğulotlar bilan bir qatorda milliy va umuminsoniy qadriyatlarni singdirişga qaratilgan bayram tadbirlariga ham alohida eʼtibor berilayotgani bejiz emas.
Amudaryo tumanining Toş Yop ovulida joylaşgan «Zebo» davlat-xususiy şeriklik asosidagi maktabgaça taʼlim taşkiloti ana şunday muassasalardan biri hisoblanadi. Hozirgi kunda boğçada 120 nafar tarbiyalanuvçi 4 ta guruhga bölingan holda taʼlim-tarbiya olmoqda, ular bilan esa malakali tarbiyaçilar faoliyat olib bormoqda.
Şu bilan birga, taşkilotda bolalarning qiziqiş va qobiliyatlarini erta aniqlaş hamda rivojlantiriş maqsadida qöşimça tögaraklar faoliyati yölga qöyilgan. Xususan, mental arifmetika, rus tili va ingliz tili tögaraklarida bolalar mantiqiy fikrlaş va til örganiş könikmalarini egallasa, gimnastika va karate maşğulotlari ularning jismonan soğlom va çaqqon bölib ulğayişiga xizmat qilmoqda.
Yaqinda boğçada «Mehrjon» bayrami munosabati bilan bolajonlar iştirokida maxsus tadbir taşkil etildi. Qadimdan hosil bayrami nomi bilan nişonlab kelinayotgan uşbu sana dehqonning yil böyi tortgan maşaqqatli mehnati samarasini uluğlaş, rizq-rözga şukrona keltiriş va tabiat saxovatini qadrlaş ramzi sifatida xalqimiz orasida alohida örin tutadi.
Taşkilot jamoasi maʼlumotiga köra, tadbirni ötkazişdan közlangan asosiy maqsad bolalarda tabiatga muhabbat uyğotiş, yurtimizning bebaho neʼmatlarini qadrlaşga örgatiş hamda dehqon mehnatining mohiyatini anglatişdan iborat. Yoş avlod dasturxonga kelayotgan har bir non va meva ortida qançalik mehnat yotganini erta anglasa, kelajakda neʼmatga ham, mehnatga ham hurmat bilan qaraydi.
Bayram dasturi bolalarga yaqin va tuşunarli bölgan sahna körinişlari asosida qurildi. Jumladan, kiçkintoylar Kuz va Ona tabiat obrazlari orqali tabiatga mehr va muhabbat bilan munosabatda böliş, uning boyliklarini asrab-avaylaş zarurligini öyin orqali örgandilar, bu esa mavzuni ularga quruq pand-nasihatsiz, tabiiy va qiziqarli tarzda yetkaziş imkonini berdi.
Tadbir davomida bolajonlar tomonidan tayyorlangan ona tabiat, döstlik va mehr-oqibat haqidagi şeʼrlar öqildi, kuy-qöşiqlar yangradi. Şuningdek, kiçkintoylar özlari puxta maşq qilgan raqslarni ijro etib, tadbir iştirokçilariga bayramona kayfiyat ulaşdilar va özlaştirgan bilimlarini sahnada namoyiş qildilar.
Aytiş joizki, bunday bayram tadbirlari bolalarning nutqi, xotirasi va sahnada özini erkin tutiş könikmalarini rivojlantiriş bilan birga, ularda jamoada işlaş, bir-birini qöllab-quvvatlaş hissini ham şakllantiradi. Eng muhimi, milliy qadriyatlar kitobdagi quruq tuşunça emas, balki bolalar özlari iştirok etgan quvonçli voqea sifatida xotirada muhrlanib qoladi.
Tabiatni sevib, dehqon mehnatini eʼzozlaşni boğça yoşidan örgangan bola ertaga ona zaminga masʼuliyat bilan qaraydigan, har bir neʼmatning qadriga yetadigan inson bölib ulğayadi. Şu maʼnoda, bolalar qalbiga erta ekilgan mehr uruği vaqti kelib yurt ravnaqiga xizmat qiladigan ezgu hosilga aylanişi şubhasiz.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶