Qomusim mening (Faxriya)

Vatan! Seni sevmoq men uchun sharaf,

Koʻzim qarogʻida yering – toʻrt taraf,

Yashayman qonuniy baxtga musharraf –

Boshimda soyabon – Qomusim mening!

Oilam, mahallam, zaminu osmon –

Nurafshon tonglardan yorishgan makon,

Taqdir bitigimda hur, dorilomon

Hayotimga kafil – Qomusim mening!

Dunyoda nonga zor millatlar yashar,

Huquqi toptalgan elatlar yashar,

Mening baxtim koʻrib, havasda bashar,

Tinchlik taxtin qurgan Qomusim mening!

Etnik boʻlinish yoʻq, yoʻqdir kamsitish,

Har dilda ezgulik tomon evrilish,

Maqsadlar yagona – yashash-yashnatish,

Iymon-eʼtiqodim – nomusim mening!

Vatan!  Onajonim – mehr qoʻrgʻonim,

ERKu adolatda kechar har onim.

Tugʻing baland tutmish qiz-u oʻgʻlonim,

Kuch-qudratim oʻzing – Qomusim mening!

Kimsan, Amir Temur Koʻrogon nasli,

Aql-u zakovatda tengi yoʻq asli.

Tegramda charx urar Istiqlol fasli –

Mangu ozodligim – Qomusim mening!

Robiya YOʻLDOShEVA.

(Foto - OʻzA)