MUROJAATLAR EʼTIBORSIZ QOLMAYDI
Mamlakatimizda qonun ustuvorligini taʼminlash, inson huquq va manfaatlarini himoya qilish, barcha jabhalarni demokratik yangilash, bosqichma-bosqich va izchil isloh etish borasidagi amaliy saʼy-harakatlar samarasida ezgu niyatlar roʻyobga chiqmoqda.
2014-yil 3-dekabr kuni "Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi qonunining qabul qilinishi inson huquqlari, erkinliklari va uning qonuniy manfaatlarini himoya qilishni yangi bosqichga koʻtardi.
Mamlakatimiz Prezidentining 2016-yil 28-dekabrdagi "Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida”gi Farmonining qabul qilinishi qonun ustuvorligini taʼminlash, davlat organlarining odamlar bilan doimiy muloqot oʻrnatishini tashkil etishga xizmat qilishi bilan ulkan ahamiyat kasb etadi. Ushbu Farmon ”Davlat xalq irodasini ifoda etib, uning manfaatlariga xizmat qiladi. Davlat organlari va mansabdor shaxslar jamiyat va fuqarolar oldida masʼuldirlar” degan konstitutsiyaviy tamoyilni amalda qaror toptirish, shuningdek, jismoniy va yuridik shaxslarning murojaatlari bilan ishlashningsifat jihatidan yangi tizimi joriy etilishining huquqiy asosi boʻldi.
Jismoniy va yuridik shaxslarning murojaatlari bilan ishlashning sifat jihatidan yangi va samarali tizimi faoliyatini taʼminlash ”Xalq qabulxonalari” va Virtual qabulxonaning asosiy vazifalaridan biri etib belgilandi.
Ushbu "Xalq qabulxonalari” odamlarning dardini eshitish, ular bilan ochiq muloqotda boʻlish, ogʻirini yengil qilish kabi ezgu maqsadga, shuningdek, aholining davlat va jamiyatga boʻlgan ishonchini mustahkamlashga xizmat qiladi.
Xulosa qilib aytganda, xalq bilan muloqotning ushbu oʻziga xos yoʻnalishlari inson manfaatlarining yuksalishiga, davlat organlarining fuqarolar bilan oʻzaro munosabatlarining tubdan takomillashishiga, bir soʻz bilan aytganda, ularni oʻylantirayotgan muammolarni hal etishning yangi mexanizmlari va samarali usullarini topish uchun imkoniyat yaratadi.
Bahodir Xodjametov,
Amudaryo tumani 2-sonli Davlat notarial idorasi notariusi.
Foto - http://kun.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
