Oʻrni boʻshab qolgan saylov okruglarida xalq deputatlari Amudaryo tuman Kengashi deputatligiga 2017-yil 26-fevral kuni oʻtkazilgan saylov yakunlari toʻgʻrisida AXBOROT
"Xalq deputatlari tuman va shahar Kengashlariga saylov toʻgʻrisida”gi Qoraqalpogʻiston Respublikasi Qonunining 47-moddasiga asosan xalq deputatlari Amudaryo tuman Kengashiga saylov boʻyicha tuman saylov komissiyasi tomonidan 2017-yil 23-yanvar kuni "Boʻshagan oʻrinlarga xalq deputatlari Amudaryo tuman Kengashiga deputatlar saylovini oʻtkazish kunini belgilash toʻgʻrisida” qaror qabul qilinib, 2017-yilning 26-fevral kuni xalq deputatlari tuman Kengashiga oʻrni boʻshab qolgan 12-Arnaboʻyi, 19-Toryop, 26-Choykoʻl saylov okruglarida deputatlar saylovi boʻlib oʻtdi.
Tuman saylov komissiyasining 2017-yil 25-yanvardagi "Boʻshagan oʻrinlarga xalq deputatlari Amudaryo tuman Kengashiga deputatlar sayloviga tayyorgarlik koʻrish va uni oʻtkazish toʻgʻrisida”gi qaroriga muvofiq saylovga tayyorgarlik koʻrish va uni oʻtkazish boʻyicha chora-tadbirlar rejasi ishlab chiqildi va tasdiqlandi.
Xalq deputatlari Amudaryo tuman Kengashiga saylov oʻtkazuvchi 3 ta okrug saylov komissiyasi va 5 ta uchastka saylov komissiyalari tarkibi tasdiqlandi.
Uchastka saylov komissiyalari faoliyati "Oʻzbekiston Respublikasi Oliy Majlisi Qonunchilik palatasiga, xalq deputatlari viloyat, tuman va shahar Kengashlariga saylov oʻtkazuvchi uchastka saylov komissiyalari ishini tashkil qilishga oid Oʻzbekiston Respublikasi Markaziy saylov komissiyasining eslatmasi”ga asosan toʻliq jihozlandi.
Saylovga tayyorgarlik koʻrish va uni oʻtkazish okrug va uchastka saylov komissiyalari tomonidan ochiq va oshkora amalga oshirildi. Saylovlar umumiy, teng va toʻgʻridan-toʻgʻri, yashirin ovoz berish yoʻli bilan oʻtkazildi.
Xalq deputatlari tuman Kengashiga siyosiy partiyalar tomonidan deputatlikka jami 6 nafar nomzod koʻrsatildi. Jumladan, Tadbirkorlar va ishbilarmonlar harakati – Oʻzbekiston Liberal demokratik partiyasidan 1, "Adolat” sotsial demokratik partiyasidan 2, "Milliy tiklanish” demokratik partiyasidan 2, Oʻzbekiston Xalq demokratik partiyasidan 1 nafar deputatlikka nomzodlar koʻrsatildi.
Tuman saylov komissiyasi tomonidan 6 nafar deputatlikka nomzodlar roʻyxatga olindi.
Saylovga doir barcha materiallar "Taraqqiyot koʻzgusi” gazetasida Qonunda koʻrsatilgan muddatlarda eʼlon qilindi.
Oʻrni boʻshab qolgan saylov okruglari boʻyicha 11040 nafar fuqaro saylovchilar roʻyxatiga kiritilib,2017-yil 26-fevral kungi saylovda ularning 10294 nafari, yaʼni 93,24 foizi ishtirok etdilar.
Okrug saylov komissiyalarining xalq deputatlari tuman Kengashiga saylovlar boʻyicha saylov natijalari haqida taqdim qilgan yigʻilish bayonlarini tekshirib chiqib, tuman saylov komissiyasi barcha saylov okruglarida saylovlar Qoraqalpogʻiston Respublikasining "Xalq deputatlari tuman va shahar Kengashlariga saylovlar toʻgʻrisida”gi Qonuniga muvofiq ravishda oʻtkazilganligini qayd qiladi.
Saylov natijalariga koʻra xalq deputatlari tuman Kengashiga saylangan deputatlar roʻyxati:
1. Yoʻldashev Sultonboy Rajapbayevich, 1978-yilda tugʻilgan, OʻzLiDeP aʼzosi, Amudaryo tumani hokimi, Amudaryo tumani Toʻquvchi koʻchasi 15-uyda yashaydi, 26-Choykoʻl saylov okrugi;
2. Palvanov IlxomBekmanovich, 1974-yilda tugʻilgan, Oʻzbekiston "Adolat” SDP aʼzosi, Oʻzbekiston "Adolat” SDP Amudaryo tuman Kengashi raisi, Amudaryo tumani "Toshyop” ovulida yashaydi, 12-Arnaboʻyi saylov okrugi;
3. RajabovaXonimjon, 1957-yilda tugʻilgan, OʻzXDP aʼzosi, Amudaryo tumani "Barkamol avlod" bolalar markazi direktori, Amudaryo tumani Uygʻun koʻchasi 5-uyda yashaydi, 19-Tor-yop saylov okrugi.
Anvar Kamolov,
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
