«XALQ BANKI» PENSIONERLAR XIZMATIDA
Oʻzbekiston Respublikasi Prezidentining 2017-yil 13 martdagi "Pensiyalar va nafaqalar toʻlash mexanizmini yanada takomillashtirish chora-tadbirlari toʻgʻrisida”gi Qarori ijrosini taʼminlash maqsadida «Xalq banki» boshqaruvi tomonidan chora-tadbirlar rejasi ishlab chiqildi va shunga muvofiq bankning tuman filialida pensiya va nafaqa pullarini tarqatish boʻyicha qoʻshimcha ravishda 22 nafar xodimlar ishga qabul qilindi. Shuning 8 nafari kassir va 8 nafari buxgalter-nazoratchi xodimlardir.
Naqd pullarni sayyor kassalarga oʻz vaqtida yetkazilishini taʼminlash uchun bankka 3 ta "Damas” rusumli maxsus avtomashinalar ajratildi.
Joylarda tuman hokimligi, fuqarolar yigʻinlari va pensiya jamgʻarmasi bilan hamkorlikda Prezident Qarorining ijrosini taʼminlash boʻyicha seminarlar tashkil qilinib, tushuntirish ishlari olib borildi. Pensiya va nafaqa toʻlovlarini amalga oshirish boʻyicha aholi uchun qulay joylar tanlanib, tarqatish kunlari boʻyicha jadvallar ishlab chiqilib, koʻrinarli joylarga osib qoʻyildi.
Pensionerlarga yanada qulayliklar yaratish maqsadida har bir mahalla fuqarolar yigʻini maʼmuriy binosida bank tomonidan maxsus stendlar tayyorlanib, fuqarolarga koʻrinarli joylarga joylashtirildi. Unda Oʻzbekiston Respublikasi Prezidentining yuqorida aytilgan Qarori nusxasi, pensiya pulini olish uchun kerak boʻladigan hujjatlar toʻgʻrisida eslatma, mahalla fuqarolar yigʻini raisi hamda Moliya vazirligi huzuridagi byudjetdan tashqari Pensiya jamgʻarmasi tuman boʻlinmasi tomonidan tasdiqlangan pul toʻlanishi belgilangan kunlar koʻrsatilgan jadval, bankning mahallaga biriktirilgan masʼul xodimlarining telefon raqamlari hamda Ishonch telefonlari toʻgʻrisida maʼlumotlar koʻrsatilgan.
Tumanimizdagi jami pensionerlarning 13291 nafari pensiyalarini naqd pulda olishadi. Ularning pensiya pullarini olishlariga qulay sharoitlar yaratishga harakat qilayapmiz. Pensiya mablagʻlarining tarqatilishi jarayonida paydo boʻladigan muammo va shikoyatlarni oʻz vaqtida bartaraf etish maqsadida qisqa raqamli «Ishonch telefoni» tashkil etildi. Fuqarolar unga qoʻngʻiroq qilib, oʻzlarini qiziqtirgan savollarga javob olishi, shikoyat va takliflar bilan murojaat qilishlari mumkin.
Shohida SODIQOVA, "Xalq banki” tuman filiali boshqaruvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
