OʻZBEKISTONNING DOʻSTONA TAShQI SIYoSATI – TARAQQIYoT VA RIVOJLANISh GAROVI
Mamlakatimizning olib borayotgan tashqi siyosati asosini davlat mustaqilligi, hududiy yaxlitligi daxlsizligi, milliy manfaatlar ustuvorligi, umuminsoniy qadriyatlar, tinchlik va xavfsizlik, oʻzaro hurmat kabi tamoyillar tashkil etadi. Bu haqda davlatimiz rahbari Shavkat Mirziyoyev diplomatik missiyalar rahbarlari bilan boʻlgan uchrashuvlarning birida “... Oʻzbekiston Respublikasi mustaqillikka erishgan dastlabki kunlardan boshlab puxta oʻylangan tashqi siyosatni izchil amalga oshirib kelmoqda. Uning zamirida xalqimizning koʻp asrlik tarixi, madaniyati, anʼana va qadriyatlari, ezgu orzu-intilish va manfaatlari mujassamdir. Oʻzbekistonning tashqi siyosati Birlashgan Millatlar Tashkiloti Nizomida mustahkamlab qoʻyilgan asosiy huquqiy tamoyillarga va Konstitutsiyamizga, mamlakatimiz oʻz zimmasiga olgan xalqaro majburiyatlarga toʻliq mos holda amalga oshirilmoqda”, deya taʼkidlagan edilar.
Davlatimiz, avvalo, qoʻshni mamlakatlar bilan yaxshi qoʻshnichilik, doʻstlik va hamkorlik munosabatlarini rivojlantirishga alohida eʼtibor qaratmoqda. Shu bilan birga Oʻzbekiston Respublikasi qoʻshni davlatlar bilan oʻzaro manfaatli aloqalarni yangi bosqichga koʻtarishni muhim vazifa deb biladi. Mamlakatimiz tashqi siyosatida qoʻshni mamlakatlar bilan oʻzaro hurmat, bir-birining manfaatlarini tan olish asosida va xalqaro huquq meʼyorlariga muvofiq tarzda yanada samarali hamkorlik oʻrnatilishi yoʻlga qoʻyilmoqda.
Oʻzbekiston Respublikasi Prezidenti qoʻshni Turkmaniston, Qozogʻiston va Qirgʻiziston davlatlariga tashrif buyurib, keng koʻlamli aloqalarning yangi bosqichga koʻtarilishiga zamin yaratdi. Bu tashriflar mamlakatlarimiz oʻrtasidagi hamkorlik rivojiga asos boʻlmoqda.
Davlatlar oʻrtasida muloqotlarda iqtisodiy va ijtimoiy soha, xavfsizlik, savdo, sanoat, eksport, turizm, yuqori texnologiyalarni tatbiq etish kabilar asosiy oʻrin tutmoqda.
Mamlakatlar oʻrtasidagi bu tarzda olib borilayotgan siyosat, oʻzaro hamkorlik va kelishuvlar, mustahkam doʻstona munosabatlar barcha davlatlarning yanada ravnaq topishiga, xalq farovonligi ortishiga xizmat qiladi.
O.XUDOYBERGANOVA tayyorladi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
