XONADONLAR EShIKLARIDA BELGILAR PAYDO BOʻLSA, AJABLANMANG!
2017-yilning 14-iyulida Prezident Sh.Mirziyoyev mamlakatimizning iqtisodiyot, ishlab chiqarish, ilm-fan, taʼlim, madaniyat, sogʻliqni saqlash va boshqa sohalarida uzoq vaqt, samarali mehnat qilgan kishilarni munosib taqdirlash maqsadida “Mehnat faxriysi” koʻkrak nishoni taʼsis etish toʻgʻrisida qaror qabul qilgan, unda nishon I darajali, II darajali, III darajali, yaʼni fuqaroning mehnat yillari davriga qarab berilishi belgilangan edi.
Koʻkrak nishoni va guvohnomasi ilk bor joriy yilning “Navroʻz” bayrami arafasida munosib fuqarolarga tantanali ravishda topshiriladi.
Endilikda mazkur nishonga loyiq koʻrilgan fuqarolar istiqomat qiladigan xonadonlar eshigiga 1-apreldan boshlab, “Bu yerda I, II, III darajali “Mehnat faxriysi” nishoni bilan taqdirlangan (familiyasi, ismi, sharifi yoziladi) kishi istiqomat qiladi” yozuvi boʻlgan toʻrtburchak shaklidagi belgilar oʻrnatiladi.
Bu, avvalo bugungiday tinch va farovon hayot bunyod etilishiga munosib hissa qoʻshgan faxriy otaxon, onaxonlarimizning fidoyi mehnatlari eʼtirofi. Qolaversa, yosh avlod qalbida keksa avlod vakillariga hurmat-ehtirom hissini tarbiyalashga xizmat qilishi shubhasiz.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
