TINCh-OSOYIShTALIK UChUN KURASh – HAMMAMIZNING BURChIMIZ
Mamlakatimiz va aholi tinch-osoyishtaligiga rahna soluvchi turli darajadagi huquqbuzarliklar va jinoyatlarga qarshi kurash samaradorligini oshirishga alohida eʼtibor qaratilmoqdaki, bu saʼy-harakatlar natijasi turmushimizda yaqqol namoyon boʻlmoqda. Bu borada muhtaram Prezidentimiz Sh.Mirziyoyevning “Huquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlari toʻgʻrisida” qabul qilgan qarorida belgilab berilgan vazifalarning ijrosini taʼminlash borasida amalga oshirilayotgan ishlar ham salmoqli oʻrin tutadi. Qarorga muvofiq, kamchiliklarning sabab va sharoitlarini aniqlash, tahlil qilish hamda ularni huquqni qoʻllash amaliyoti va qonun hujjatlarini takomillashtirish yoʻli bilan bartaraf etish, vakolatli organlar va muassasalarning huquqbuzarliklarning oldini olish va ularga barham berishda jamoat tashkilotlarining, davlat muassasalarining oʻzaro hamkorligini mustahkamlash yoʻlga qoʻyilayotgani yurtimizda tinchlik-osoyishtalikni taʼminlashga sezilarli taʼsir koʻrsatmoqda.
Jamoat tashkilotlari vakillari tuman ichki ishlar boʻlimi xodimlari bilan “Tungi xizmat” tadbirida va reydlarda ishtirok etishi jarayonida bunga guvoh boʻlishayapti. Bu tadbirlar davomida tungi vaqtlarda ota-ona nazoratisiz koʻchalarda, tomosha joylarda yurgan voyaga yetmaganlar aniqlanib, ularning ota-onalari bilan suhbatlashib, buningdek hollarni qayta sodir etishiga yoʻl qoʻmasligi lozimligi tushuntirilmoqda. Jamoat joylarida spirtli ichimlik ichib yurganlarga choralar koʻrilmoqda. Bemaqsad koʻchalarda yurganlarga nisbatan tushuntirish ishlari olib borilmoqda, tarbiyasi ogʻir bolalar bilan alohida suhbatlashilmoqda. Aholining tinch-osoyishtaligini, jamoat tartibini saqlashda, huquq-buzarliklarning oldini olishda profilaktika inspektorlari zimmasiga yuklanayotgan masʼuliyatli vazifalarning ijrosi taʼminlanayotgani ham osoyishtaligimizda muhim oʻrin tutayotgani, shubhasiz.
Endilikda mazkur xizmat xodimlari Yurtboshimizning “Ichki ishlar organlari tayanch punktlarining profilaktika inspektorlarini xizmat uy-joyi bilan taʼminlashga doir qoʻshimcha chora-tadbirlar toʻgʻrisida”gi 2017-yil 20-aprelda qabul qilgan qaroriga muvofiq, oʻzlari mehnat qiladigan hududda uy-joy bilan taʼminlanmoqda. Bu bilan aholi hayotida biror notinchlik boʻlsa, unga tezkor murojaat qilish imkoni tugʻiladi. Qolaversa, profilaktika inspektori oʻz hududi aholisi bilan hamnafas boʻlib yashaydi. Turmushidagi muammolariga birgalikda yechim topadi. Bu – osoyishtalik sari yana bir muhim qadam boʻladi.
Yurtdoshlarimizni kelgusida mamlakatimizning dunyodagi eng tinch-totuv mamlakatga aylanishiga hissa qoʻshishga chaqiraman. Chunki shu aziz Vatan barchamizniki! Uning osoyishtaligi ham hammamizga bogʻliq.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
