FAOL AYoLLAP DAVPASIDA

Ayol. U haqida taʼrif-u tavsiflar bisyor. Onajon, deb bagʻriga intilganimizda zamin-u osmon goʻyo mehrdan yaralganday, borliq yashnab ketadi. Opa-singlim, demoqning oʻzi qalblarimizga xotirjamlik baxsh etib, hayotimizni olamjahon mazmun bilan ziynatlaydi. U samimiy doʻst, sadoqatli rafiqa. Bundan ham muhimi, jamiyatning faol aʼzosi. Zotan, ayol oʻzining oila deb atalmish goʻzal saltanat ichra ado etajak barcha vazifalaridan tashqari davlat va jamiyat qurilishining haqiqiy ishtirokchilari, fidoyilari. Demak, tahririyatimizning bugungi bahoriy davrasi ishtirokchilari aziz va muhtarama Ayollar.

Guljahon IBPAGIMOVA, xalq deputatlari tuman Kengashi deputati, «Nazarxon» OFY diniy-maʼrifat va maʼnaviy-axloqiy tarbiya masalalari boʻyicha maslahatchisi:

– Bizning mamlakatimizda Ayol – millat va xalq hayo-tining gultoji sifatida ulugʻlanadi. Buni har yili qabul qilinayotgan Prezident Farmonlari, hukumat Qaror-larining mazmun-mohiyatida ham, Shuningdek, Prezidentimizning joriy yil 2-fevraldagi “Xotin-qizlarni qoʻllab-quvvatlash va oila institutini mustah-kamlash sohasidagi faoliyatini tubdan takomillashtirish chora-tadbirlari toʻgʻrisida”gi Farmonida amalga oshirilishi koʻzda tutilayotgan ulugʻvor vazifalarda ham yaqqol koʻ-rishimiz mumkin.

Farmonga asosan joriy yilning 1-aprelidan boshlab ovul va mahallalarda bevosita tuman xotin-qizlar qoʻmitasi rahbarligidagi xotin-qizlar bilan ishlashish va oilalarda maʼnaviy-axloqiy qadriyatlarni mustahkamlash boʻyicha mutaxassis ayollarimiz oʻz faoliyatlarini boshlaydilar. Endilikda har bir mutaxassis xotin-qizlar orasida aniq maqsadli ishlarni tashkil etishga, xotin-qizlar hayotiga oid barcha muammolarni tizimli hal etishga bosh-qosh boʻladi.

Men hamkasblarimga bundan keyin amaliyotga joriy etilayotgan mutaxassis lavozimlarida aziz onaxonlar, muhtarama ayol-qizlarimiz bilan birgalikda uzoq yillar ishlash nasib etishini tilayman.

Barchangizga 8-mart – Xalq-aro xotin-qizlar ayyomi muborak boʻlsin!

Hafiza OʻPOZIMBETOVA, 5-sonli MTM mudirasi:

– Muhtaram Prezidentimiz Sh.Mirziyoyev Oliy Majlisga Murojaatida barcha sohalar qatori maktabgacha taʼlim tizimiga alohida eʼtibor qa-ratdilar.

Soha rivojiga qaratilgan hukumat qarorlari ijrosini taʼminlash borasidagi barcha ishlar oila mustahkamligini taʼminlash, 6 yoshgacha boʻlgan farzandlar tarbiyasini zamon talablari darajasida tashkil etish, bolalarning sogʻlom oʻsib-rivojlanishi uchun sogʻlom ovqat-lanishiga rioya qilish, ularning qiziqishlari, iqtidor va qobiliyatlarini bogʻcha yoshidanoq toʻgʻri shakllantirishga qaratilishi ham ayol-qizlarimizning oilasidan, farzandlaridan koʻngli toʻq, xotirjam holatda jamiyatga faol aralashuvini taʼminlashga xizmat qiladi.

Har bir ayol-qiz nafaqat oilasida, balki jamiyatda ham hayotidan koʻngli toʻq, davlatdan rozi boʻlib yashash uchun eng avvalo, oʻzini doimiy isloh qilishi, oʻzining onalik, ayollik, rafiqalik masʼuliyati bilan birga, agar u ishlovchi boʻlsa, kasb masʼuliyatini ham his etib yashashi kerak.

Dilbar OʻPOZIMBETOVA, 76-sonli umumtaʼlim maktabining ingliz tili fani oʻqituvchisi:

– Fan va taʼlim-tarbiya qanchalik sifatli taraqqiy etsa, jamiyatimiz ham shunchalik goʻzallashib boraveradi. Men har gal aziz oʻquvchilarim davrasiga kirib borganimda shular haqida oʻylayman. Chunki men oʻqituvchiman. Oʻqi-tuvchi oʻz kasbininggina emas, sohasining bilimdoni boʻ-lishi kerak

Men shunday kasbdoshlarim-ni bilaman. Oʻz fanining ha-qiqiy bilimdoni, fidoyisi, izlanuvchan va intiluvchan. Ularning taʼlimini olayotgan oʻquvchilar ham zukko, bilimdon. Lekin yana shunday oʻqituvchilar ham borki, nazarimda, zamonadan bir emas, ikki qadam ortda, fikrlari sayoz, dars oʻtish uslublari qotib qolgan, bundaylarni “hamkasb” deb atashga ham baʼzan oʻylanibroq qolaman.

Mana, yaqinda tumandagi ing-liz tili fani oʻqituvchilari bilimlari sinovdan oʻtka-zildi. Ishonasizmi, natijalarga koʻz tashlasam, butun boshli tumandan faqat sanoqli oʻqituvchilar sinovdan muvaffaqiyatli oʻtibdi. Yoʻq, azizlar, men bu bilan kimnidir kamsitayotganim yoʻq. Aslo! Balki ana shu natijadan juda uyaldim. Axir bilimi sayoz oʻqituvchi taʼlim tarbiyasini olgan oʻquvchining kelajagi nima boʻladi? Men ana shu haqda oʻyladim.

Ayolga ehtirom, oʻqituvchi-murabbiylarga eʼzoz va hur-mat mamlakatimizda naqadar yuqori. Biz ana shunga munosib mehnat qilishimiz kerak.

Aziz va mukarrama ayol-qiz-larimizga, hamkasb ustoz-mu-rabbiylar, doʻst-u qadrdonla-rimizga bayram muborak boʻlsin, deyman!

Iroda YePDOShEVA, 38-maktab oʻquvchisi, “Zulfiyaxonim qizlari” koʻrik-tanlovining tuman bosqichi gʻolibasi:

– Buyuk ajdodlarimiz bosib oʻtgan tarixiy yoʻl biz yoshlar uchun juda katta ibrat maktabi hisoblanadi. Masalan, Alisher Navoiy bobomizni olaylik. Juda katta obroʻ eʼtiborga ega bobokalonimiz hech qachon mol-dunyoga hirs qoʻymaganlar. Butun hayoti davomida yiqqan mol-u davlatini xalq farovonligi, mamlakat obodligi yoʻlida sarflaganlar.

Ulugʻ turkman shoiri Max-tumquli, rus yozuvchisi Tols-toy, tojik shoiri Pudakiy, nemis xalqining sevimli farzandi Gyote. Bu roʻyxatni yana davom ettirish mumkin. Men bu ulugʻ salaflarning bir-birlariga nihoyatda oʻxshash jihatlari haqida aytmoqchiman. Mening dilimda hayrat uygʻotgani – barcha xalqlar tarixida yorqin iz qoldirgan insonlarning hammasi dunyo moddiyatlaridan oʻz millati, xalqining fidoyilari boʻlishgani, maʼnaviyatni ustun qoʻyishgani, yangi avlod tarbiyasi borasidagi fidoyiliklaridir!

Biz yoshlar hamma masalada siz kattalarga maʼlum maʼnoda taqlid qilamiz. Havasga loyiq jihatlaringizdan ha-qiqatdan ham ibrat olamiz. Mamlakatimizda biz yoshlarga koʻrsatilayotgan eʼtibor va ragʻbatdan kuch olib, yanada yangi marralar sari intilamiz. Maqsadimiz esa ezgu – ulugʻ ajdodlarimizga munosib farzand boʻlish, mamlakatimizda olib borilayotgan islohotlarda faol ishtirok etish.

Fursatdan foydalanib, barcha aziz onajonlarimizni, muhtarama opa-singillarimizni bahorning ilk ayyomi 8-mart –Xalqaro xotin-qizlar kuni bilan chin dildan muborakbod etaman!

Sahifani jurnalist Pobiya Yoʻldosheva tayyorladi.