Jayxun ilhomlari

ORZU

Mudrab yotgan yaqin-yiroqlar,

Bogʻlariga bitib butoqlar.

Bayramlashar nurli kunlarni,

Koʻklamlashar koʻklam gullari.

Bor boʻlsin “Kel!” degan oʻtloqlar,

Orzuga soz ekan bu chogʻlar.

Jonga yordam berar, aylanib –

Yursang arzir yurtingni tanib.

Jumaboy Hidoyatov.

 

UYGʻONISh

Vatanga keldi Navroʻz,

Karnay-surnay yangradi.

Ohanrabo kuylardan

Bolajonlar yayradi.

Qozonlarda sumalak,

Pishirdi momojonlar.

Yomgʻir yogʻdi. Kamalak

yoyin tortdi osmonlar.

Sevara Sultonova, 34-maktab oʻquvchisi.

 

NAVROʻZ KEZAR

Bahor keldi elimga,

Bogʻlar qiygʻos gulladi.

Yurtning togʻ-u choʻliga

Quyosh nurin eladi.

Bahorning elchilari –

Qaldirgʻochlar qaytdilar.

Bolalar quvonchlari

Samolarga yetdilar.

Varraklar uchar, qarang,

Ona yurt osmonida.

Olamga berib jarang

Navroʻz kezar Vatanda!

Otanazar AHMEDOV, 64-maktab oʻquvchisi.

 

BAYRAM MUBORAK!

Boychechak unib, osmonni quchgan,

Samoda elchi- qaldirgʻoch uchgan.

Quyosh zaminga nurlarin sochgan -

Bayram muborak, Oʻzbekistonim!

Yosh-u keksa yuzida tabassum,

Quvonch bizlarni tark etmas bir zum.

Toʻlib-toshar dilda hayajonim,

Bayram muborak, Oʻzbekistonim!

Qunduzoy YuSUPOVA,

Jahon iqtisodiyoti va diplomatiya universiteti qoshidagi akademik litsey oʻquvchisi.

 

BOGʻ ARO

Bogʻ aro qoʻysam qadam,

Peshvoz chiqadi koʻklam.

Dadam deydi erkalab:

“Qizim–bogʻda gul-lolam!”.

Turfa rangli gullari,

Chorlar bogʻim yoʻllari.

Shu yoʻlga qoʻysam qadam,

Bagʻriga olar koʻklam.

Gul navosi dilimda,

Turfa gullar qoʻlimda.

Bunda qolsam bir nafas,

Koʻngil bilmaydi qafas.

Bogʻ aro qoʻysam qadam,

Olqishlab turar dadam.

Quvonchlarim toʻkilgan,

Yoʻlimda kutar onam!

Sevara RAHIMBOYeVA, 2-maktab oʻquvchisi.

 

AYoLLAR!

Bizga hayot, jon bergan,

Zahmatlarni koʻp chekkan,

Koʻzi xumor, termulgan,

Omon boʻlsin, ayollar!

Kelsa toʻlar xonamiz,

Yolgʻon soʻzdan tonamiz,

Barchamizning onamiz–

Omon boʻlsin, ayollar!

Parvarishlab bolasin,

Toʻkkan sochin tolasin,

Tinglang qalbim nolasin,

Omon boʻlsin, ayollar!

Goʻzallikda u tengsiz,

Yurmaysiz hech xayolsiz,

Siz muqaddas ayolsiz,

Xush kelibsiz, ayollar!

Gʻam koʻrmasdan dunyoda,

Koʻp yashasin ayollar.

Baxtimizga doimo,

Omon boʻlsin, ayollar!

T.DOSChANOV,

21-maktab direktori.

 

GULLARIM

Men gullarni sevaman,

Gulga mehrim beraman.

Qishin-yozin xonamda

Turfa gul oʻstiraman.

Gullarim chaman-chaman,

Bezataman uyimni.

Guldastalar tutaman

Xursand qilib oyimni.

Umida YOʻLDOShEVA, 19-maktab oʻquvchisi.

 

Bahorim, kel!

Bahorim, kel, bagʻrimga toʻlgin,

Qish zaxlarin yuborgin yuvib.

Sen Vatanning gultoji boʻlgin,

Kutayotir xalqim entikib...

Boychechaklar chamani aro,

Chopqillayman varragim tutib,

Kurtaklarning qahqahasida

Yashayapman halovat topib.

Har qadamda sezib taftingni,

Qaldirgʻochlar ortidan chopdim.

Nur yoʻliga tutib kaftimni,

Oʻshal nurdan Navroʻzni topdim!

Sardorbek KENJABOYeV, 20-sonli maktab oʻquvchisi.

 

BAHOR

Bahor keldi gulga burkanib,

Maysalar ham xurram, uygʻondi.

Goʻzallikni undan oʻrganib,

Koʻhna dunyo ajib toʻlgʻondi.

Bogʻlar ham bahorga boylandi.

Shoxchalarga tizildi kurtak.

Goʻyo rassom ishga shaylandi,

Kamalak yoy tutgan dam falak.

Shohista GULMIRZAYeVA,

Amudaryo agrobiznes kasb-hunar kolleji oʻquvchisi.

 

Yangi kun

ShUKUHI

Qishki toʻnin yechib, ona tabiat,

Asta yashillikka burkana boshlar.

Mehnatga chogʻlanib insoniyat,

Hasharga oshiqar keksa-yu yoshlar.

Oy qizlar sochlarin maydalab oʻrib,

Oʻsmalar qoʻyadi kamon qoshlarga.

Oʻgʻlonlar qalbida iftixor tuyib,

Oʻzbegim doʻppisin kiyar boshlarga.

Momolar doshqozon boshida turib,

Aytadi eng yaxshi, eng sof tilaklar.

Navroʻzim yaqinlab kelgani sayin,

Hayajonga toʻlib ketar yuraklar.

Kel, Navroʻzi olam, kelgin, Yangi kun,

Onajon xalqimning rizqini qil but.

Ey tengdosh, aslo yurmagin mahzun,

Eski arazlarning barisin unut!

Iroda YeRDOShEVA, 38-sonli maktab oʻquvchisi.

 

Bahorim, kel!

Bahorim, kel, bagʻrimga toʻlgin,

Qish zaxlarin yuborgin yuvib.

Sen Vatanning gultoji boʻlgin,

Kutayotir xalqim entikib...

Boychechaklar chamani aro,

Chopqillayman varragim tutib,

Kurtaklarning qahqahasida

Yashayapman halovat topib.

Har qadamda sezib taftingni,

Qaldirgʻochlar ortidan chopdim.

Nur yoʻliga tutib kaftimni,

Oʻshal nurdan Navroʻzni topdim!

Sardorbek KENJABOYeV, 20-sonli maktab oʻquvchisi.

 

GULLARIM

Men gullarni sevaman,

Gulga mehrim beraman.

Qishin-yozin xonamda

Turfa gul oʻstiraman.

Gullarim chaman-chaman,

Bezataman uyimni.

Guldastalar tutaman

Xursand qilib oyimni.

Umida YOʻLDOShEVA, 19-maktab oʻquvchisi.