Jayxun ilhomlari

VATAN

Bahoringning shamolida tarqar achchiq alamlar,

Yurt baxtini allalaydi pari-paykar sanamlar,

Oʻtinchim shul, eng avvalo inson boʻling, odamlar,

Shunda bizdan bobolar shod, Vatan rozi boʻlajak,

Qoʻlingizda burda non cheksiz shodlik berajak.

Tanim aro Toʻmaris-u Bibixonim qoni bor,

Soʻzlaganda soʻzlarimda Buyuk Temur shoni bor,

Jon asragan yuragimda, Paygʻambar imoni bor,

Vatan, sening ashʼoringda, bir soʻz boʻlib yashayin,

Hech boʻlmasa, tuprogʻingda, bir iz boʻlib yashayin.

Oʻzga yurtning gavharidan tuprogʻing gardi aziz,

Ming qoʻyli vijdonsizdan gadoning mardi aziz,

Imonsizning quvonchidan pok inson dardi aziz,

Vatan, sening zarrang aziz, bir zarrangda yashayin,

Dunyolarni lol qoldirib, ming qirrangda yashayin.

Xayolimda bir chinorsan, ildizlari mustahkam,

Ajdodlarning duosini avlodlarga saqlagan,

Shul sababdan mana bugun, el-u xalqing shod, xurram.

Imondan-u eʼtiqoddan, kuch oladi ildizing.

Sadoqatdan hikmat soʻzlar, tunda har bir yulduzing.

Yoʻling yorugʻ, ortga qaytma, mardona yoʻlboshching bor,

Toʻfon kelsa asraguvchi, buyuk yelkadoshing bor,

Bobolardan saboq olgan dovyurak Yurtboshing bor.

Vatan, sening bagʻring aro baxtdan toʻlib yasharman,

Qarogʻimda asrab mangu seni suyib yasharman!

Mahbuba MAHMUDOVA, 17-maktabning ona tili va adabiyot fani oʻqituvchisi.

 

Doʻstimga

Muqaddasdir, azizdir

Bobolarning merosi.

Qadriga yet, ey doʻstim,

Buyuk ular merosi.

Qoʻshil, sen ham safiga,

Ijoding-la, yuksalgin.

Navoiy dunyosiga

Muhabbat-la, berilgin.

Nima qilding sen, doʻstim,

Yurtga tegdimi, foydang?!

Bu hayotda sen tuzgan,

Bormi oltin qoidang?

Hayotingni oʻzing qur,

Ketma nomard izidan.

Soʻngra xulosa chiqar,

Allomalar soʻzidan.

Dildora PAJABOVA.

 

VATANIM - YaGONAM

Vatanim yagona, koʻzimdagi nur,

Vatanim, keraksan hammaga birdek.

Oʻzing bor ekansan, yashayapmiz hur,

Axir ilk qadamni bagʻringda qoʻydik.

Vatanim – yagonam, or-u nomusim,

Ulgʻaytirding onamday asrab-avaylab.

Tun-u kunlarimga nur elab sim-sim,

Ulugʻvor orzular yoʻliga boshlab.

Hayotim mazmuni oʻzingsan, Vatan,

Umid-ishonchlarim mehringga payvand.

Seni deb yashayman, har lahza, har dam.

Boʻlmoq-chun oʻzingga fidoyi farzand.

Shohsanam SOATBOEVA,

Amudaryo agrobiznes kasb-hunar kolleji oʻquvchisi.

 

BAHOP

Yomgʻir yogʻar yurakni ezib,

Dilimdagi alamni sezib.

Armonlardan yuragim bezib,

Bugun seni sogʻindim, bahor.

Sogʻindim, tong sabolarini,

Bogʻlarning sof havolarini.

Ona Vatan maʼvolarini

Bagʻringga ol, onajon Bahor!

Komila BAXTIYoPOVA,

2-maktab oʻquvchisi.

 

Qalblar malhami – ona

Shundayin bir tush koʻrdim,

Atrofim toʻla gullar

Men gullardan soʻradim,

Soʻzlashar ekan ular:

– Bilasizmi, dunyoda

Bir moʻʼtabar zot bordir.

Olam sigʻar qalbiga

Unda mehr bisyordir.

Gullar asta shivirlab:

– U kim, u kim? – deyishdi.

Soʻngra bargin tebratib,

– U onadir, – deyishdi.

Ha, onalar moʻʼtabar,

Udir bizga madadkor.

Hayotning fayzi ona,

Qalblar malhami –ona.

Mohichehra XOLBOYeVA, 33-sonli maktab oʻquvchisi.

 

Buvijonim

Shirin soʻzni ayamaydi,

Duo qilib charchamaydi.

Oʻz oromin oʻylamaydi,

Buvijonim – chin farishtam.

Maslahati dilga mador,

Soʻzlarida zoʻr hikmat bor.

Mehri bilan uyda bahor,

Buvijonim – chin farishtam.

Shoira Pahimboyeva, 31-maktab oʻquvchisi.

 

OQ TULPOP

Oq tulporim bor mening,

Hamma havas qilishar.

Baquvvat tuyogʻining

“Dupur”idan oʻt chaqnar.

Chopsa, lochin etolmas,

Boychiborga oʻxshaydi.

Oramizdan qil oʻtmas,

Meni koʻrsa, kishnaydi.

Humoyun JUMATOV, 17 – maktab oʻquvchisi.

 

YuP, KITOBGA KETAMIZ

Kitob etgan qoʻllarda ziyodan nishon koʻrdim,

Puhi, joni pokiza, eʼtiqod, ishonch koʻrdim,

Sobit, bardam iroda, gʻamda ham quvonch koʻrdim,

Yur, oftobga ketamiz, yur, savobga ketamiz.

Uning koʻngli ulugʻdir, samoga sirdosh boʻlgay,

Har on qilib ezgulik, duoga sirdosh boʻlgay,

Yuzidan nur yogʻilgay, yuragi baxtga toʻlgay,

Yur, oftobga ketamiz, yur, savobga ketamiz.

Qay yurt eli gʻaribdur, yomonga mezbon oʻtgan,

Ichib shayton sharobin, shaytoniy sarbon oʻtgan,

Buzib Xaqning soʻzini, buzgʻunchi karvon oʻtgan,

Yur, oftobga ketamiz, yur, savobga ketamiz.

Vatan tuqqan, xalq tuqqan, daholar ovoz bersin,

Vatan bayrogʻin tutib, samoga parvoz bersin,

Gʻubor ichra kelganning, umriga pardoz bersin,

Yur, savobga ketamiz, yur, kitobga ketamiz!

Shohzod ANVAP.