VATAN VA ISTIQLOL KUYÇISI

Qadim yurtga qaytsin qadim navolarim,

Qumlar bosib, qurimasin daryolarim.

Alpomişga alla aytgan momolarim,

Ruhini şod etay desang, xalq böl, elim!

Öz şeʼrlarida insonlarni birlaşişga, xalq bölişga, samimiylikka çorlagan şoir Muhammad Yusuf agar hayot bölganlarida bu yil 64 bahorni qarşilagan, oilasi, farzandlari, öğil-qiz-u nabiralari ardoğida hayot gaştini surayotgan bölardi.

El suygan va elini suygan şoir Muhammad Yusuf 1954-yil 26-aprelda Andijon viloyatining Marhamat tumani, Qovunçi qişloğida tavallud topdi. U yoşligidanoq şeʼriyatga, adabiyotga mehri bölakça bölib voyaga etdi. Otasi Yusuf ota va onasi Enaxon aya ikki öğil va uç qizining içida öğli Muhammadni boşqaça suyib-erkalardi. Bunga sabab uning xayolparastligi va kitobga öçligida edi. Şoirning adabiyotga, şeʼriyatga bölgan havasi, mehri uyğonişida Marhamatda Otin oyi deb nom taratgan buvisi Tursunxon enaning xizmati katta böldi.

Muhammad Yusuf maktabni tugatganidan söng, Reşetov nomidagi Respublika rus tili va adabiyoti institutida tahsil oldi. Institutni tamomlab, 1978-1980-yillarda harbiy xizmatda böldi. Şundan söng, şoirning ijodiy faoliyati boşlandi. U Respublika kitobxonlar jamiyatida muharrir, Ğafur Ğulom nomidagi adabiyot va sanʼat naşriyotida muharrir, “Özbekiston ovozi” gazetasida muharrir, Özbekiston yozuvçilari uyuşmasida adabiy maslahatçi, “Navröz” xayriya jamğarmasida taşkiliy işlar va xatlar bölimi mudiri lavozimida işladi. Şuningdek, Özbekiston Respublikasi Oliy Majlisi deputati sifatida faoliyat olib bordi.

Uning “Taniş teraklar”, “Iltijo”, “Uyqudagi qiz”, “Halima enam allalari”, “Bevafo köp ekan”, “Seni osmonimga olib ketaman”, “Erka kiyik”, “Uluğimsan Vatanim”, “Biz baxtli bölamiz” kabi şeʼriy kitoblari naşrdan çiqdi.

Muhammad Yusuf adabiyotimiz va xalqimizga qilgan fidoyi mehnatlari uçun 1996-yilda “Döstlik” ordeni, 1998-yilda «Özbekiston Xalq şoiri» faxriy unvoni bilan taqdirlandi.

Xalqimiz sevib, ardoqlagan şoir Muhammad Yusuf 2001-yil 30-iyulda Qoraqalpoğiston Respublikasining Ellikqalʼa tumanida ijodiy safar paytida yurak hurujidan vafot etdi.

Özbekning sodda öğli Muhammad Yusuf juda qisqa umr kördi. Lekin şu qisqa hayoti davomida barhayot şeʼrlar yozdi. Uning har bir şeʼri har kuni ming-ming muxlislari bilan yangidan tuğiladi. Kamtarin şoir samimiy şeʼrlari bilan özi ardoqlagan xalq orasida barhayot yaşaydi.

Marhabo YÖLdoşeva, 30-sonli maktab öqituvçisi.