Vatanga sodiq mahallamiz yigitlari
Mangʻit shahrining Oybek nomli mahallasida ona Vatan oldidagi yigitlik burchini ado etib qaytgan yoshlar anchagina. Ular nafaqat mahalladoshlari, balki ayni kunda oʻzlari mehnat qilayotgan jamoalarda ham obroʻ-eʼtiborli.
Yaqinda, 14-yanvar – Vatan himoyachilari kuni munosabati bilan Elmurod Qurbonov, Muzaffar Odilboyev, Rajabboy Oʻrozboyevlarning oilasida boʻlib, ularning harbiy xizmat davrida olgan taassurotlari bilan tanishdik.
- Har bir yigit albatta Vatan oldidagi oʻz fuqarolik burchini bajarishi kerak, - deydi Rajabboy Oʻrozboyev, - Harbiy xizmat yigitlar uchun har tomonlanma chiniqish maktabidir.
- Men ham harbiylikdagi hayotimni faxrlanib eslab yuraman, - deydi Muzaffar Odilboyev. Chunki men harbiy xizmat davrida juda koʻplab doʻstlar orttirdim, zamonaviy harbiy texnikalar bilan tanishib, ulardan qanday maqsadlarda faydalanishni oʻrgandim. Eng muhimi, tugʻilgan yerga - Ona Vatanga muhabbatim yanada ortdi.
Rustamjon Choʻtboyev esa ayni kunlarda bir yillik muddatli harbiy xizmatga chaqiriluvchilar safida tibbiy koʻrikdan oʻtib, nazariy va taktik mashgʻulotlar test-sinovlarini topshirib, harbiy xizmatga joʻnab ketishga taraddud koʻrmoqda.
Biz mahallamiz yigitlarini Vatan himoyachilari kuni bilan samamiy tabriklaymiz.
Zuhra AHMEDOVA,
Oybek nomli mahalla.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
