Xotira va qadrlash kuniga bagʻishlab yugurish boʻyicha musobaqalar oʻtkazildi
“Faol invistitsiyalar va ijtimoiy rivojlantirish yili” davlat Dasturiga asosan uyushmagan yoshlar va oʻquvchilarni madaniy-maʼrifiy va sport tadbirlariga keng jalb qilish, oilada sogʻlom turmush tarzini qaror toptirish, boʻsh vqtlarini mazmunli oʻtkazish, ayniqsa ayol-qizlarni jismoniy tarbiya va sport bilan shugʻullanishga ommaviy ravishda jalb qilish, bu borada targʻibot va tashviqot ishlarini amalga oshirishga qaratilgan keng qamrovli vazifalar ijrosini taʼminlash maqsadida tuman jismoniy tarbiya va sport boʻlimi tomonidan chora-tadbirlar rejasi ishlab chiqilgan. Unga koʻra, turli bayram sanalari munosabati bilan sport musobaqalari, ommaviy tadbirlar va turnirlar oʻtkazilmoqda.
9-may – Xotira va qadrlash kuniga bagʻishlab “Ajdodlarni xotirlash – muqaddas qadriyat”, “Eʼtibor va gʻamxoʻrlik – insoniy burch” shiorlari ostida boʻlib oʻtgan ommaviy sport tadbirlarida yuzlab yoshlar ishtirok etishdi.
Tuman hokimligi, xotin-qizlar qoʻmitasi, jismoniy tarbiya va sport boʻlimi, tibbiyot birlashmasi, xalq taʼlimi boʻlimi, tuman IIB, yoshlar ittifoqi tuman Kengashi, XTB kasaba uyushmasi tuman Kengashi ASM xodimlari kasaba uyushmasi tuman Kengashi, isteʼmol tovarlarni ishlab chiqarish savdo va xizmat koʻrsatish kasaba uyushmasi tuman Kengashi, Tibbiyot xodimlari kasaba uyushmasi tuman qoʻmitasi, Davlat jamoat xizmati xodimlari kasaba uyushmasi tuman Kengashi hamkorligida oʻtkazilgan musobaqalar tumanimizning barcha hududlarini qamrab oldi.
Mangʻit shahrining Gurlan koʻchasi boʻylab oʻtkazilgan marafonda jami 423 nafar turli yoshdagi ishtirokchilar qatnashdilar.
Musobaqa yakunida gʻolib va sovrindorlar aniqlandi. Oʻgʻil bolalar oʻrtasida 1-oʻrinni 17-maktab oʻquvchisi Begzod Hayitboyev, 2-oʻrinni 20-maktabdan Umar Yoʻmitboyev, 3-oʻrinni BOʻSM treneri Pufat Bobojonov, qizlar oʻrtasida 1-oʻrinni 25-maktab oʻquvchisi Tilla Shomurodova, 2-oʻrinni NDPI talabasi Umida Bozorboyeva, 3-oʻrinni NDPI talabasi Zuhra Shomurodovalar egallashdi.
Shuningdek, ayol-qizlar oʻrtasida “Eng yoshi kichik ishtirokchi” 76-maktab oʻquvchisi Kamola Vaisova, “Eng yashi katta ishtirokchi” tuman madaniyat uyi xodimi Dilfuza Bobojonova va 40-maktab oʻqituvchisi Zuhra Hayitboyevalar boʻlishdi.
Erkaklar oʻrtasida “Eng yoshi kichik ishtirokchi” 35-maktab oʻquvchisi Husniddin Boltaboyev, “Eng yoshi katta ishtirokchi” Gʻulom Otajonovlar boʻldilar. Gʻoliblar tuman hokimligi va tashkilotchilar tomonidan faxriy yorliq va qimmatbaho sovgʻalar bilan taqdirlanishdi.
J.Yaxshimov,
tuman Jismoniy tarbiya va sport boʻlimi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
