Chekish koʻzga ziyon
Chekish koʻzga ziyon
Xitoylik olimlar tamaki mahsulotlarini isteʼmol qilish koʻzga katarakta tushishi – koʻz xiralashishiga olib kelishi mumkin, deb taʼkidlamoqda. Uzoq vaqt olib borilgan tadqiqot ishlari natijasida maʼlum boʻlishicha, chekuvchilarda chekmaydiganlarga nisbatan koʻzning ushbu turdagi kasalligiga chalinish xavfi ancha yuqori.
Xitoyning Chjetszyan universiteti qoshidagi Oftalmologiya instituti vakillarining soʻzlariga koʻra, kataraktaning oʻz vaqtida oldi olinmasa, yoxud toʻgʻri davolanmasa, koʻrlikka sabab boʻlishi mumkin. Shu bois ekspertlar chekishdan butunlay forigʻ boʻlish lozimligini tavsiya etmoqda.
Albert Eynshteynning xati sotildi
Germaniyalik mashhur fizik Albert Eynshteynning diniy mavzuga oid xati AQShning "eBay” kimoshdi savdosida 3,1 million AQSh dollariga sotildi. Xaridorning shaxsi sir tutilmoqda.
"eBay” vakillarining aytishicha, 1954-yil 3-yanvarda yozilgan mazkur maktub AQShning Prinston universitetida ishlagan nemis faylasufi Erik Gutkindga joʻnatilgan. Eynshteynning oʻlimidan bir yil avval yozilgan, oʻtgan asrning eng shov-shuvli hujjati boʻlmish ushbu xat olimning shaxsiy kollektsiyasida ellik yil saqlangan.
Ming dardga davo
Yangi zelandiyalik olimlarning soʻzlariga koʻra, asal, gul changi, asalari zahri yordamida qon tomirlarining kengayishi, psoriaz, artroz va osteoxondroz kabi turli xil kasalliklarni davolash mumkin ekan. Ularning aytishicha, asal tarkibidagi organizm uchun juda zarur boʻlgan temir, yod, tsink, kobalt, marganets, ftor kabi oʻttizga yaqin mikroelementlar uyqusizlik, oshqozon-ichak xastaliklari va shamollashni ham tabiiy yoʻl bilan davolash, jigarni tozalash imkonini beradi.
Maʼlumotlarga qaraganda, mikroelementlar tarkibiga koʻra asalning oʻttiz foizli eritmasi inson qonidan tayyorlangan plazma oʻrnini ham bosa oladi. Boisi qon bilan asalning kimyoviy tarkibi deyarli bir xil. Shuning uchun ham asal parhez taom va shifobaxshlik borasida tengsiz hisoblanadi.
Yangi muzey
Germaniyada dunyoda birinchi marta xotin-qizlar tarixiga oid muzey ochildi. Bonn shahrida tashkil etilgan mazkur yangi muzey "Xotin-qizlar tarixi uyi” nomini oldi. U dunyo ayollarining jamiyatda qoʻlga kiritgan muvaffaqiyatlari haqida hikoya qiladi.
Ushbu muzeyda uzoq oʻtmishdan hozirgi davrga qadar xotin-qizlarning jamiyat va davlat qurilishida tutgan oʻrni rang-barang ekspozitsiyalarda aks ettirilgan.
Uzoq umr koʻray desangiz, ichmang!
Frantsiyalik olimlar muntazam spirtli ichimlik ichadigan odamlar bu kabi mahsulotni juda kam isteʼmol qiladigan va umuman ichmaydigan kishilarga nisbatan 14-yil avval insult xastaligiga chalinishi mumkin, demoqdalar.
Frantsiyadagi Lill universiteti xodimlari olib borgan tadqiqotlar shuni koʻrsatdiki, 60 yoshdan kichik boʻlgan "ichuvchilar” insult xurujiga uchraganidan keyingi ikki yil ichida hayotdan koʻz yumishi mumkin ekan. Shifokorlarning soʻzlariga koʻra, spirtli ichimliklarni koʻp miqdorda ichish oqibatida yoshlik chogʻida ham insultning ogʻir turiga duchor boʻlish xavfi bor.
AQShda kuchli toʻfon
AQShda sodir boʻlgan Sendi dovuli oqibatida yuzdan ziyod odam halok boʻldi. Mahalliy matbuotning xabar qilishicha, qor aralash kuchli toʻfon soatiga oʻn yetti kilometr tezlik bilan harakatlangan. Toʻfon AQShning Merilend, Nyu-Jersi, Delaver, Konnektikut, Pensilvaniya, Massachusets, Vermont, Ogayo, Virjiniya va Shimoliy Karolina shtatlarining katta qismiga ziyon yetkazgan.
Maʼlumotlarga koʻra, toʻfon oqibatida mamlakatdagi yerosti va yerusti transport harakati maʼlum muddat toʻxtagan. Aviakompaniyalarda ikki mingga yaqin reyslar bekor qilingan.
(Foto-http://shifo-info.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
