«JONAJON OʻZBEKISTONIM, MANGU BOʻL OMON!” ShIORI OSTIDA MAHALLABAY TADBIRLARI BOʻLIB OʻTMOQDA

    Mamlakatimiz mustaqillikka erishgan kun – 1-sentyabrga tobora yaqinlashmoqdamiz. Bayramni munosib qarshi olish va nishonlash uchun tadoriklar tobora avj olmoqda.Fuqarolarning oʻzini oʻzi boshqarish organlari faoliyatini muvofiqlashtirish boʻyicha tuman Kengashi  tumanimiz ovul va mahallalar   fuqarolar yigʻinlariga bayram munosabati bilan oʻz hududlarida “Jonajon Oʻzbekistonim,  mangu  boʻl omon!” shiori ostida  1-avgustdan 25-avgustgacha bu muhim sananing mazmun mohiyatini oʻzida aks ettirgan, beshta yoʻnalishni qamrab olgan  mahallabay tadbirlarin i  oʻtkazish yuzasidan  yoʻriqnoma ishlab chiqib, tavsiya qilgan edi.

 
Ayni kunlarda shu asosda tumanimizdagi barcha ovul va mahallalarda mustaqilligimizning 28 yilligiga bagʻishlangan tadbirlar boʻlib oʻtmoqda.Tadbirlarda har bir ovul va mahallalar fuqarolar yigʻinlarida tuzilgan targʻibot guruhi aʼzolari aholi va yoshlarga 2017-2021-yillarda Oʻzbekiston Respublikasini rivojlantirishning beshta ustuvor yoʻnalishlari boʻyicha “Harakatlar strategiyasi”, “Faol investitsiyalar va ijtimoiy rivojlanish  yili” davlat dasturi,”Obod qishloq”, “Obod mahalla”, “Har bir oila - tadbirkor”, “Yoshlar - kelajagimiz” kabi muhim dastur va rejalar asosida olib borilayotgan tub islohotlar natijasida  tobora goʻzallashib borayotgan yurtimiz,  yurtdoshlarimizning bugungi kayfiyati, turmushimizdagi ijobiy oʻzgarishlar  haqida batafsil gapirib bermoqda. Shuningdek hududlardagi  MTMlar tarbiyalanuvchilari, maktablar oʻquvchilari ishtirokida tayyorlangan maxsus bayram dasturlari namoyish etilmoqda. Mazkur tadbirlarda xalqimizning milliy oʻyin va qoʻshiqlariga, sport musobaqalariga keng oʻrin berilgani aholiga juda manzur boʻlmoqda.

         Shunisi diqqatga sazovorki, mahallabay tadbirlarini oʻtkazishga yaqindan yordam bergan va musiqiy dasturda faol qatnashib, kuy, qoʻshiqlarni yuksak mahorat bilan ijro etgan yoshlar shu yerning oʻzida taqdirlanib, xizmatlari eʼtirof etilmoqda. Shuningdek hududlarda yashovchi kam taʼminlangan va keksa yoshdagi  nuroniy otaxon, onaxonlarning holidan xabar olinib, bayram sovgʻalari berilayapti. 19-avgustgacha 21 ta mahallalar va ovullarda ana shunday tadbirlar oʻtkazildi.

         Oʻtkazilayotgan mahallabay tadbirlar mustaqillik bayrami arafasida  yurtdoshlarimizni mamlakatimizda amalga oshirilayotgan keng koʻlamli bunyodkorliklar, yangilanishlar va yuksalishlar bilan yaqindan tanishtirib, ularga bayram arafasida oʻzgacha koʻtarinki kayfiyat ulashmoqda, shu aziz Vatanimizni koʻz qorachigʻiday asrab-avaylashga  undamoqda.

Otabek IBRAGIMOV, Fuqarolarning oʻzini oʻzi boshqarish

organlari faoliyatini muvofiqlashtirish

boʻyicha tuman Kengash raisi oʻrinbosari.