MUVOFIQLAShTIPISh KENGAShINING OʻTGAN YIL YaKUNI VA KELGUSI YIL UChUN BELGILANGAN VAZIFALAPGA BAGʻIShLANGAN KENGAYTIPILGAN YIGʻILISh BOʻLIB OʻTDI

Joriy yilning 1-fevral kuni tuman hokimligining katta majlislar zalida Fuqarolarning oʻzini oʻzi boshqarish organlari faoliyatini muvofiqlashtirish boʻyicha Amudaryo tuman Kengashining 2019-yil yakunlari va 2020-yilga belgilangan vazifalar toʻgʻrisidagi kengaytirilgan yigʻilishi boʻlib oʻtdi.

 
Yigʻilishni tuman hokimi, Fuqarolarning oʻzini oʻzi boshqarish organlari faoliyatini muvofiqlashtirish boʻyicha Amudaryo tuman Kengashi raisi S.Yoʻldashev olib bordi.

Yigilishda tuman hokimi oʻrinbosari A.Yuldashev, tuman hokimi oʻrinbosari, Xotin-qizlar qoʻmitasi raisi M.Ahmedova, tuman hokimligi tashkiliy-nazorat guruhi rahbari Gʻ.Duysenbayev, tuman Ichki ishlar boʻlimi boshligʻi U.Xudoybergenov, tumandagi idora-tashkilotlar rahbarlari, Mahalla Kengashi apparat xodimlari va boshqaruv aʼzolari, fuqarolarning oʻzini oʻzi boshqarish organlari raislari, Xotin-qizlar qoʻmitasining fuqarolar yigʻinlaridagi xotin-qizlar bilan ishlash va oilalarda maʼnaviy-axloqiy qadriyatlarni mustahkamlash boʻyicha mutaxassislari, Ichki ishlar boʻlimi profilaktika inspektorlari  yordamchilari qatnashdilar.
Yigʻilishda Mahalla Kengashi raisning birinchi oʻrinbosari B.Boltaboyev, Mahalla Kengashi va fuqarolar yigʻinlari tomonidan 2019-yil davomida amalga oshirilgan ishlar haqida hisobot berdi va 2020-yilda amalga oshirilishi lozim boʻlgan vazifalarga toʻxtalib oʻtdi.

Shuningdek, yigʻilishda tuman Ichki ishlar boʻlimi boshligʻi, muvofiqlashtirish Kengashi aʼzosi U.Xudoybergenov, “Nuroniy” jamgʻarmasi raisi, muvofiqlashtirish Kengashi aʼzosi B.Allaberganov, Oʻzbekiston Yoshlar Ittifoqi Amudaryo tuman Kengashi raisi, muvofiqlashtirish Kengashi aʼzosi M.Shermetov, tuman hokimi oʻrinbosari, Xotin-qizlar qoʻmitasi raisi, muvofiqlashtirish Kengashi aʼzosi M.Ahmedovalar soʻzga chiqib, Mahalla Kengashi va fuqarolar yigʻinlari bilan hamkorlikda  2019-yilda  amalga oshirilgan ishlar boʻyicha axborot berdilar. Maʼruzalarda taʼkidlanishicha, yakunlangan yilda tumanimizda  aholining ijtimoiy faolligini oshirish uchun zarur sharoitlar yaratish, yoshlarni yot gʻoyalardan himoya qilish va kasb-hunarga yoʻnaltirishga amaliy yordam koʻrsatish, aniq yoʻnaltirilgan asosda aholini ijtimoiy qoʻllab-quvvatlash, xususiy tadbirkorlik va oilaviy biznesni rivojlantirish,  ovul va mahallalardagi kam taʼminlangan va boquvchisini yoʻqotgan oilalar, yolgʻiz keksalar, nogironlarga nisbatan insonparvar va mehr-shavqatli munosabatda boʻlishni keng targʻib etish borasida koʻpgina ishlar qilingan.

Yigʻilish soʻngida “Choykoʻl” ovul fuqarolar yigʻini raisi, Qoraqalpogʻiston Pespublikasi Joʻqorgʻi Kengesi  deputati Ya.Axmedov, “Doʻstlik” mahalla fuqarolar yigʻini raisi, Mahalla Kengashi boshqaruvi aʼzosi I.Ismoilovalar soʻzga chiqib,  kelgusida amalga oshirilishi lozim boʻlgan ishlar yuzasidan oʻzlarining fikr-mulohazalarini va takliflarini bildirib oʻtdilar. Yigʻilishda muhokama etilgan masalalar yuzasidan tegishli qarorlar qabul qilindi.

Oygul Pajabova.