I.A.KARIMOV XOTIRASIGA EHTIROM KOʻRSATILDI
Mamlakatimizda tinchlik-osoyishtalik, millatlararo totuvlik, oʻzaro mehr-oqibat va birdamlik muhitini yaratib, mustaqilligimizning taʼmal toshini qoʻygan Birinchi Prezidentimiz I.Karimov nomi bilan bogʻliq ezgu ishlar xalqimiz uchun hamisha qadrli. Shu bois, har yili 30-yanvar sanasi Mustaqilligimiz meʼmori I.A.Karimov tavalludi kuni sifatida xalqimiz tomonidan samimiy xotirlanadi.
16-sonli ixtisoslashtirilgan davlat umumtaʼlim maktabida tarix va huquq fan oyligi doirasida oʻtkazilgan “Mustaqil Vatanning ulugʻ otasi” mavzusidagi xotira tadbirida ham Birinchi Prezidentimiz tomonidan mamlakatimizda amalga oshirilgan islohotlar, tinchlik va farovonlik yoʻlidagi kurashlar, I.A.Karimovning insoniylik, xalqparvarlik fazilatlari yodga olinib, hurmat va ehtirom koʻrsatildi.
Tadbirda maktabning 7- va 11-sinf oʻquvchilari tomonidan tayyorlangan sahna koʻrinishlari namoyish etilib, I.A.Karimovning hayoti va faoliyati haqida maʼruzalar oʻqildi. Ayniqsa, I.A.Karimov asarlari boʻyicha tayyorlangan maʼnaviy-maʼrifiy kompozitsiya hamda mustaqillikning ilk yillari, Oʻzbekistonning I.Karimov davrida rivojlanish yoʻliga oʻtgan iqtisodiy koʻrsatkichlari, yoshlar taʼlim-tarbiyasiga oid olib borgan izchil siyosati haqidagi sahna koʻrinishlari oʻquvchilarning bu boradagi bilim va qiziqishlari eʼtiborga loyiq ekanligini namoyon etdi.
Mazkur tadbirni maktabning tarix fani oʻqituvchisi Zoirjon Ilhomov, huquq fani oʻqituvchisi Goʻzal Gʻoyipova, tarix fani oʻqituvchisi Maʼrifat Rajabovalar hamkorlikda tayyorlashdi. Fan oʻqituvchilari oʻquvchilar bilan muntazam ravishda I.A.Karimov asarlari mazmun-mohiyati, taraqqiyotimizning bugungi bosqichlaridagi ahamiyati haqida darsdan tashqari mashgʻulotlar, savol-javob tarzidagi jonli muloqotlar oʻtkazganlari bois I.A.Karimov tavalludining 82 yilligiga bagʻishlangan xotira kechasi haqiqiy bilimdonlar tadbiri sifatida barchada yorqin taassurotlar qoldirdi. Bundan tashqari, oʻquvchi-yoshlar qalbida ulugʻ ajdodlarimiz xotirasiga, xalqimizning buyuk tarixiga nisbatan hurmat va ehtirom tuygʻularini yanada mustahkamladi.
R.YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
