POHATOY PAIMOVA “MOʻʼTABAP AYoL” KOʻKPAK NIShONI BILAN TAQDIPLANDI
Mamlakatimizda oʻtgan yili jamiyat hamda davlat hayotida faollik va tashabbuskorlik koʻrsatgan, oʻzining samarali mehnati bilan oilaning shakllanishi va farovonligi mustahkamlanishi, shuningdek, onalik va bolalik muhofazasiga munosib hissa qoʻshgan xotin-qizlarni ragʻbatlantirish uchun ilk bor “Moʻʼtabar ayol” koʻkrak nishoni taʼsis etildi. Xalqaro xotin-qizlar bayrami arafasida ushbu koʻkrak nishonini egalariga topshirish anʼanaga aylandi.
Joriy yilda tumanimizdagi Doʻrman ovulida istiqomat qiluvchi, taʼlim sohasi fidoyilaridan biri boʻlgan Pohatoy Paimova mazkur koʻkrak nishoniga munosib deb topildi. Taʼlim sohasining rivojiga hissa qoʻshgani, yosh avlodga yuqori darajada taʼlim-tarbiya berib, har bir ishda atrofdagilarga namuna boʻlib kelayotgani uchun P.Paimova “Moʻtabar ayol” koʻkrak nishoni bilan taqdirlandi.
Elda eʼzoz topgan bu onaxon 1947-yilda Xorazm viloyati Urganch shahrida tavallud topdi. Hozirgi kunda tumanimizdagi Doʻrman ovulida yashaydi. U oliy maʼlumotli, 1969-yilda Xorazm Davlat pedagogika institutining rus tili va adabiyoti fakultetini bitirgan. Oilada toʻrt nafar farzandni tarbiyalab, voyaga yetkazdi.
Pohatoy Paimova koʻp yillar davomida taʼlim sohasida faoliyat yuritib, yosh avlodga taʼlim-tarbiya berishga oʻzining munosib hissasini qoʻshdi. U 1970-yildan tumandagi 20-sonli maktabda oʻqituvchi boʻlib ish faoliyatini boshladi. Pus tili va adabiyoti fanidan yosh avlodga taʼlim-tarbiya berdi. Jamoat ishlarida faol qatnashib, jamoatchilik asosida maktabning kasaba uyushmasi va xotin-qizlar boshlangʻich tashkilotiga rahbarlik qildi. 1985-1995-yillarda oʻzi ish boshlagan 20-sonli maktabda direktor ham boʻldi.
Tinib-tinchimas onaxon mahallada “Yarashtirish komissiya”si hamda “Buvijonlar maktabi”ning aʼzosi sifatida oʻz mehnat faoliyatida masʼuliyatliligi, ishchanligi, jonkuyarligi bilan boshqalardan ajralib turadi. U mahallada fidoyi, aholi dardi bilan yashab, ularga birinchi boʻlib yordam qoʻlini choʻzadigan vatanparvar va oqibatli inson.
Muxtasar qilib aytganda, Pohatoy Paimova Vatan, xalq oldidagi xizmatlari uchun “Moʻʼtabar ayol” koʻkrak nishoniga har tomonlama loyiq boʻlgan ayoldir.
Charos Arslonova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
