AFFINAJ FAOLIYaTINI LITsENZIYaLASh TARTIB-TAMOYILLARI

Oʻzbekiston Respublikasi Prezidentining «Oʻzbekiston Respublikasida zargarlik tarmogʻini jadal rivojlantirish chora-tadbirlari toʻgʻrisida»gi 2019-yil 18-maydagi PF-5721-son Farmoniga muvofiq Vazirlar Mahkamasining “Affinaj faoliyatini litsenziyalashni tartibga solish chora-tadbirlari toʻgʻriida”gi 86-sonli karori qabul qilingan.

Qarorga muvofiq affinaj faoliyatini litsenziyalash  2020-yilning 15-martidan boshlab Oʻzbekiston Respublikasi Moliya vazirligi huzuridagi Davlat asillik darajasini belgilash palatasi tomonidan beradigan litsenziya asosida yuridik shaxslar tomonidan amalga oshiriladi.

Aaffinaj faoliyatini amalga oshirish huquqini beruvchi litsenziya faqat davlat xizmatlari markazlari yoki Yagona interaktiv davlat xizmatlari portali tomonidan beriladi.

Oʻzbekiston Respublikasi Vazirlar Mahkamasining 2018-yil 29-maydagi 399-son qarori bilan tasdiqlangan Qimmatbaho metallar va qimmatbaho toshlar bilan ishlashga roʻyxatdan oʻtkazish guvohnomasi beriladigan ish turlari (faoliyat turlari guruhlari doirasida) roʻyxatiga muvofiq tarkibida qimmatbaho metallar va qimmatbaho toshlar boʻlgan xom-ashyo bilan ishlashga Davlat asillik darajasini belgilash palatasi tomonidan avval berilgan roʻyxatdan oʻtkazish guvohnomasi asosida faoliyat koʻrsatadigan yuridik shaxslar ushbu faoliyat turini roʻyxatdan oʻtkazish guvohnomasining amal qilish muddati tugagunicha litsenziya olmasdan amalga oshirish huquqiga ega.

Affinaj faoliyatini amalga oshirish huquqi uchun litsenziya 10-yil muddatga, keyinchalik uzaytirish imkoniyati bilan beriladi.

Affinaj faoliyati yuridik shaxslar tomonidan amalga oshiriladi (oilaviy korxonalar bundan mustasno).

Affinaj faoliyati qimmatbaho metallarni qayta ishlash va ajratib olish, ularni qaytarib bermaslik yoki affinaj qilingan holda qaytarib berish xizmatlarini oʻz ichiga oladi.

Foydali qazilmalarni qazib olish uchun yer qaʼri uchastkalaridan foydalanish uchun litseziyaga ega bulish kerak. Affinaj faoliyatini amalga oshirish huquqini beruvchi litsenziya faqat faoliyat litsenziyada koʻrsatilgan joyda amalga oshirilganda haqiqiy hisoblanadi. Agar litsenziat tomonidan litsenziyada koʻrsatilmagan boshqa joyda tarkibida qimmatbaho metallar boʻlgan ikkilamchi resurslarni, parcha va chiqindilarni sotib olish va sotish, toʻplash, qismlarga ajratish, dastlabki ishlov berish, saralash punktlari tashkil qiligan hollarda, litsenziat qimmatbaho metallar hamda qimmatbaho toshlar bilan ishlash uchun Oʻzbekiston Respublikasi Moliya vazirligi huzuridagi Davlat asillik darajasini belgilash palatasi tomonidan belgilangan tartibda beriladigan roʻyxatdan oʻtkazish guvohnomasini oladi.

Affinaj faoliyatini amalga oshirishda quyidagilar qoʻshimcha litsenziya talablari va shartlari hisoblanadi:

a) Oʻzbekiston Respublikasi Davlat byudjetidan moliyalashtirilmaydigan va (yoki) ustav fondida davlat ulushiga ega boʻlmagan yoki ulushi 50 foizdan kam boʻlgan yuridik shaxslar uchun:

litsenziatga affinaj faoliyatini amalga oshirish uchun mulk huquqida tegishli boʻlgan texnologik uskunalar va boshqa texnik vositalarning mavjudligi;

qimmatbaho metallarning foiz tarkibini aniqlash uchun tegishli uslublarga ega va davlat qiyoslovidan oʻtgan asbob-uskunalar bilan jihozlangan kimyo laboratoriyasining mavjudligi;

prekursorlar aylanmasi, ulardan foydalanish va ularni saqlash bilan bogʻliq faoliyatni amalga oshirish uchun litsenziyaning mavjudligi;

davlat ekologik ekspertizasining ijobiy xulosasi mavjudligi;

mineral xom-ashyo, qimmatbaho metallar, tarkibida qimmatbaho metallar boʻlgan ikkilamchi resurslar, parcha va chiqindilarga dastlabki ishlov berish sohasida maxsus bilimga yoki koʻnikmalarga ega boʻlgan xodimlarning shtatda mavjudligi;

barcha operatsiyalar boʻyicha ishlarni tartibga soluvchi ishlab chiqilgan (mustaqil ravishda yoki professional mutaxassislarni jalb qilgan holda) texnik hujjatlarning mavjudligi;

b) Oʻzbekiston Respublikasi Davlat byudjetidan moliyalashtiriladigan va (yoki) ustav fondida 50 foizdan ortiq davlat ulushiga ega boʻlgan yuridik shaxslar uchun:

litsenziatga affinaj faoliyatini amalga oshirish uchun operativ boshqarish yoki xoʻjalik yuritish huquqi asosida tegishli boʻlgan zamonaviy texnologik uskunalar va boshqa texnik vositalarning mavjudligi;

qimmatbaho metallarning foiz tarkibini aniqlash uchun tegishli uslublarga ega va davlat qiyoslovidan oʻtgan asbob-uskunalar bilan jihozlangan kimyo laboratoriyasining mavjudligi;

mineral xom-ashyo, qimmatbaho metallar, tarkibida qimmatbaho metallar boʻlgan ikkilamchi resurslar, parcha va chiqindilarga dastlabki ishlov berish sohasida maxsus bilimga ega boʻlgan xodimlarning shtatda mavjudligi;

prekursorlar aylanmasi, ulardan foydalanish va ularni saqlash bilan bogʻliq faoliyatni amalga oshirish uchun litsenziyaning mavjudligi;

davlat ekologik ekspertizasining ijobiy xulosasi mavjudligi;

barcha turdagi operatsiyalar boʻyicha ishlarni amalga oshirishga talablarni, cheklovlar, sarflash normalari va yoʻqotish normalari tartibga solib turuvchi texnik hujjatning mavjudligi;

mineral xom-ashyo, qimmatbaho metallar, ikkilamchi resurslar, qimmatbaho metallar va qimmatbaho toshlar qoldiqlari hamda chiqindilarini kirim qilish, sarflash, hisobga olish va saqlash tartibiga rioya qilish boʻyicha talablarni soʻzsiz bajarish;

xom-ashyodagi, yarim fabrikatlardagi, tugallanmagan ishlab chiqarishdagi qimmatbaho metallarning kelib tushishini, sarflanishini va qoldiqlarini, shuningdek, ushbu qimmatliklar chiqindilari va yoʻqotishlarining qatʼiy hisobini yuritish;

qimmatbaho metallarning, shu jumladan mineral xom-ashyodagi, ikkilamchi resurslardagi, parchalar va chiqindilardagi, yarim fabrikatlardagi, tugallanmagan ishlab chiqarishdagi, barcha saqlash joylaridagi va bevosita ishlab chiqarishdagi qoldiqlarni belgilangan muddatlarda xatlovdan oʻtkazish;

mineral xom-ashyo, qimmatbaho metallar, tarkibida qimmatbaho metallar va qimmatbaho toshlar boʻlgan ikkilamchi resurslar, parcha va chiqindilarni qayta ishlashni tartibga soluvchi zarur texnik hujjatlarning mavjudligi;

mineral xom-ashyo, qimmatbaho metallar, tarkibida qimmatbaho metallar va qimmatbaho toshlar boʻlgan ikkilamchi resurslar, parcha va chiqindilar harakati haqida litsenziyalovchi organga har choraklik hisobotlarni belgilangan tartibda taqdim qilish.

Affinaj faoliyatini  davom kildirishi uchun avval berilgan litsenziyasining amal qilish muddati tugashiga uch oydan koʻp vaqt boʻlsa qayta rasmiylashtiriladi, aks holda yangi litsenziya olish talab qilinadi.

Nazokat Alliyazova, tuman Davlat xizmatlari markazi mutaxassisi.