SINOVLI KUNLAPDA XALQ BILAN BIPGAMIZ, YeLKADOShMIZ

Mamlakatimizda aholining ish bilan bandligini taʼminlash, oʻzlari qiziqqan kasb yoʻnalishlari boʻyicha kasbiy oʻqitish va qayta tayyorlash hamda yangi ish oʻrinlarini yaratish maqsadida olib borilayotgan ishlarning butun mazmun-mohiyati inson omiliga eʼtibor, uning osoyishta va farovon yashashini taʼminlashdan iborat.

Oʻzbekiston Pespublikasi Prezidentining 2020-yil 14-mart kungi “Koronavirus pandemiyasi va global inqiroz holatlarining iqtisodiyot tarmoqlariga salbiy taʼsirini yumshatish boʻyicha birinchi navbatdagi chora-tadbirlar toʻgʻrisida”gi 5969-sonli Farmoni asosida Bandlik va mehnat munosabatlari vazirligi tomonidan inqirozga qarshi jamgʻarma hisobidan Jamoat ishlari jamgʻarmasiga qoʻshimcha 200 mlrd. soʻm ajratildi. Ushbu mablagʻlar ishsiz va band boʻlmagan fuqarolarni ish bilan taʼminlash, shuningdek, mahallalarda qoʻshimcha infratuzilma obʼektlari va obodonlashtirish, koʻkalamzorlashtirish hamda qurilish ishlariga yoʻnaltirilishi belgilandi. Mazkur chora-tadbirlarni sifatli bajarish maqsadida Bosh vazir rahbarligida Inqirozga qarshi respublika komissiyasi tuzildi. Ushbu komissiya ishchi guruhi tomonidan 22-martdan boshlab, ikki oy davomida har bir tuman va shaharda koronavirusga qarshi kurashish, sanoat, xizmat koʻrsatish, savdo, transport, logistika va boshqa korxonalarni barqaror ishlatishni taʼminlash maqsadida kamrab olinmoqda.

Shuningdek, Inqirozga qarshi kurashish respublika komissiyaning 2020-yil 27-martdagi 18-sonli bayoniga koʻra, koronavirus pandemiyasiga qarshi chora-tadbirlar amalga oshirilishi davrida ishsiz fuqarolar, chet davlatlarda ishlash uchun chiqib keta olmagan shaxslar va vaqtinchalik ishsiz qolgan xodimlarni jamoat ishlariga jalb qilishni kengaytirish uchun ruxsat berildi.

Koronavirus pandemiyasi sababli karantin qoidalari joriy etilishi munosabati bilan aholining ishsiz, ijtimoiy himoyaga muhtoj qatlami boʻyicha tuman Aholi bandligiga koʻmaklashish markazi tomonidan, hududlar boʻyicha mavjud holatlar oʻrganib chiqildi.

Bu borada Aholi bandligiga koʻmaklashish markazi tomonidan 2020-yil aprel oyida tumanda mavjud korxona va tashkilotlardan olingan yigʻma buyurtmanomalarga asosan jami 425 nafar fuqarolarni haq toʻlanadigan jamoat ishlariga jalb qilish koʻzlanmoqda. Xususan, mahalla, ovul fuqarolar yigʻinlarida 264 nafar fuqaroni obodonlashtirish va koʻkalamzorlashtirish ishlariga, tadbirkorlik subʼektlari tomonidan 78 nafar fuqaroni sanoat va xizmat koʻrsatish tarmoqlariga, fermer xoʻjaliklari tomonidan 57 nafar fuqarolarni qishloq xoʻjalik sugʻorish va ekish ishlariga, Qoraqalpogʻiston Pespublikasi “Chorva nasl” markazi tuman boʻlimi  tomonidan 11 nafar fuqaroni naslli chorva mollarini sunʼiy urugʻlantirish ishlariga, shuningdek, tuman Sanitariya-epidemiologiya osoyishtalik markazi tomonidan 15 nafar fuqaroni koronavirus epidemiyasiga qarshi hududiy dezinfektsiya ishlariga jalb etish amalga oshirilmoqda.

Shuni alohida qayd etish kerakki, Aholi bandligiga koʻmaklashish markazi tomonidan ish bilan bandligi taʼminlanayotgan fuqarolarning koʻpchiligi oʻzlari egallagan  kasb-hunarlar boʻyicha ishga joylashish imkoniga ham ega boʻlishmoqda. Xususan, 45 nafar fuqaro tumanimizda bunyod etilayotgan maktab, infratuzilma obʼektlari hamda namunali uy-joylar qurilishlariga gʻisht teruvchi, beton qoruvchi, duradgor usta, montajchi kabi kasblar boʻyicha ishga joylashtirildi. Karantin qoidalari joriy qilingach, ishsiz qolgan 19 nafar ishsiz fuqarolar markaz tomonidan “Mangʻit invest plyus” MChJga 12 nafar fuqaro “Olloberganov Izzatjon” fermer xoʻjaligiga ishga joylashtirildi.

Qoʻshimcha ravishda tumanda ishsiz va band boʻlmagan fuqarolarga yengil konstruktsiyali issiqxonalar oʻrnati,sh urugʻliklar, koʻchatlar va sugʻorish vositalarini xarid qilishlari uchun joriy yilning aprel oyida 21 nafar fuqaroga issiqxona oʻrnatish va 20 nafar fuqaroga sugʻorish vositasi sotib olish uchun subsidiya ajratish rejalashtirilmoqda.

Subsidiya – aholi bandligiga koʻmaklashish hududiy markazlari (ABKM), grantlar esa viloyat bandlik bosh boshqarmalari, shuningdek, Qoraqalpogʻiston Pespublikasi Bandlik va mehnat munosabatlari vazirligi va poytaxt bandlik boshqarmasi tomonidan beriladi.

Butun dunyoda insoniyat boshiga xavf-xatar solib  turgan, kun sayin qamrov maydoni kengayib borayotgan koronavirus pandemiyasi davrida tumanimiz aholisining ish bilan bandligini taʼminlash – avvalo ularning oila iqtisodini koʻtarishga koʻmaklashish boʻlsa, bundan ham muhimi, har bir insonning xotirjam, osoyishta yashashiga koʻmaklashishdir. Zero, Ibn Sino bobomiz aytganlariday: “koʻngil xotirjamligi yarim sogʻlik, sabr esa sogʻayish, sogʻlom hayot sari yoʻl”dir.

Xalqimiz sabr-bardoshi sinovdan oʻtayotgan ushbu kunlarda aholining ehtiyojmand, ishsiz qatlamini iloji boricha qoʻllab-quvvatlash, oilalari iqtisodini bir meʼyorda saqlab turishlari, koʻngillari xotirjam yashashlari uchun koʻmaklashish davlat idoralarining, shu barobarida har bir rahbar xodimning, har bir insonning zimmasidagi masʼuliyatli vazifasidir. Ana shu  masʼuliyatni qalban his etgan holda bugungi sinovli kunlarda biz xalq bilan birgamiz, yelkadoshmiz.

A.Sobirov,
tuman Aholi bandligiga koʻmaklashish markazi direktori.