EL APDOGʻIDA YaShADI

Insoniyat bor ekan, xotira ham yashaydi. Ajdodlar yodi, ularning ezgu ishlari aslo unutilmaydi. Ayniqsa, Vatan uchun koʻksini qalqon, jonini fido qilgan mard oʻgʻlonlar xotirasi avlodlar tomonidan ulugʻlanib, qadri yuksalaveradi.

Ikkinchi jahon urushi janggohlarida qanchadan-qancha vatandoshlarimiz halok boʻldi. Urush yillarida Oʻzbekistonga bir million nafarga yaqin kishi Possiya, Ukraina, Belarus va Moldaviyadan evakuatsiya qilindi. Ular bilan birga kelgan yetim bolalar oʻzbek oilalari bagʻriga olindi. Qoʻlidan ish keladiganlarga yashash uchun uylar berilib, ish bilan taʼminlandi. Front orqasida ham jafokash xalq ogʻir mehnat bilan kun kechirib, borini janggohlardagi askarlar uchun joʻnatdi.

Ikkinchi jahon urushining qonli janglarida mangʻitlik Pajab Kazakov ham ishtirok etib, gʻalabaga munosib hissasini qoʻshdi. Yurtga dushmanni yaqin yoʻlatmaslik uchun jang maydonlarida jon olib-jon berdi.

Urush dahshati yurtni vahimaga sola boshlagan kezlarda u ayni kuchga toʻlgan 21 yoshda edi. Bir yildan soʻng, 1942-yilda uni ham urushga joʻnatishdi. Pajab Kazakov fashist bosqinchilariga qarshi olovli janglarda 1945-yilga qadar mardonavor kurashdi. Fashizmga qarshi kurashlardagi qahramonliklari uchun qator orden va medallar bilan taqdirlandi. Vatan ozodligi uchun boʻlgan qonli urushlar davomida u uch marotaba yarador boʻldi. Oxirgi yaralanganida Pajab Kazakovni front orqasiga joʻnatishdi.

Yurtga yarim jon boʻlib qaytgan yigit front orqasidagi hayot ham ogʻir boʻlgani uchun qarab oʻtirmasdan kolxozda tabelchi boʻlib ishlay boshladi. Oʻziga munosib, chaqqon va mehnatkash qiz boʻlgan Qurbonoy bilan oila qurdi. Urush tugagach,  turli joylarda ishlab, yurt ravnaqiga hissa qoʻshdi. Shu bilan birga umr yoʻldoshi Qurbonoy Kazakova bilan 11 nafar farzandli boʻlishdi. Shundan hayot qolgan 9 farzandni el koriga yaraydigan insonlar qilib voyaga yetkazishdi. Hozirgi kunda ular turli sohalarda mehnat qilib, jamiyat rivojiga oʻz hissalarini qoʻshib kelishmoqda.

Pajab ota Kazakov 2018-yilda 98 yoshida olamdan oʻtdi. Ota agar hayot boʻlganlarida bu yil 100 yoshga toʻlar edi. U uzoq yillar el ardogʻida hayot kechirdi.  Davlatimiz tomonidan ham bir necha bor gʻalabaga qoʻshgan hissasi uchun yubiley medallari bilan taqdirlandi. Farzandlariga, nevaralariga urush yillarining sitamli xotiralaridan soʻzlab, hozirgi osoyishta va farovon kunlar qadriga yetib yashash kerakligini aytishdan aslo charchamadi.

Biz baxtli avlodmiz. Chunki tinch-osoyishta, obod mamlakatda yashaymiz. Bunda ulugʻ ajdodlarimizning, bobo-buvilarimizning, barcha nuroniylarimizning hissasi beqiyos. 

Ozoda Xudoyberganova.