SEKTOP PAHBAPINING AMALIY YoPDAMI BILAN 3 KILOMETPLIK YOʻL JOPIY TAʼMIPLANDI

Oʻzbekiston Pespublikasi Prezidentining 2017-yil 8-avgustdagi “Hududlarning jadal ijtimoiy-iqtisodiy rivojlanishini taʼminlashga doir chora-tadbirlar toʻgʻrisida”gi Qarori asosida mamlakatimizning barcha hududlarida tashkil qilingan sektorlar davlat organlarini aholi bilan yaqinlashtirish, jonli muloqotni yoʻlga qoʻyishda muhim vosita boʻlmoqda. Sektorlar rahbarlari tomonidan aholining muammolarini hal qilish borasida qator amaliy ishlar qilinmoqda.

Prezidentimizning 2019-yil 17-yanvardagi “Aholi muammolari bilan ishlash tizimini yanada takomillashtirish chora-tadbirlar toʻgʻrisida”gi Farmoniga muvofiq hududlarni jadal ijtimoiy-iqtisodiy rivojlantirish masalasi yangi bosqichga koʻtarildi. Farmonga muvofiq sektorlar zimmasiga hududlarni kompleks ijtimoiy-iqtisodiy rivojlantirishga erishish bilan birga aholi murojaatlari bilan ishlash, aholini qiynab kelayotgan muammolarni aniqlash va bataraf etish, uyma-uy yurish orqali xalqqa, tadbirkorlik subʼektlariga yaqin koʻmakchi boʻlish borasida dolzarb vazifalar topshirildi.

Tumanimizda tashkil etilgan toʻrtta sektorlar ham ushbu talablar asosida oʻz faoliyatlarini olib borib, xalqimizning tayanchi, suyanchiga aylandi.

3-sektor rahbari, Amudaryo tumani Ichki ishlar boʻlimi boshligʻi Ulugʻbek Xudoyberganov aholi bilan oʻtkazgan uchrashuvlarining birida sektor rahbariga mahalla hududidan oʻtuvchi zahkash koʻprigi taʼmirga muhtoj boʻlib qolganligi haqida murojaat kelib tushgan edi. Ushbu murojaat atroflicha oʻrganilib, tegishli tashkilotlar jalb qilindi va qisqa davr ichida 8 metrlik beton koʻprik taʼmirlandi.

Endilikda hudud aholisi va bu yoʻldan oʻtuvchi avtomashina haydovchilari, piyodalar uchun ancha qulaylik yaratildi.

Toryop mahallasi Ulugʻbek Xudoyberganov rahbarlik qilayotgan uchinchi sektor hududidaga kiradi. Sektor rahbari hududlarni uyma-uy yurib aylanib, xalq bilan jonli muloqotlar qilib muammolarni aniqlashga va tezkorlik bilan choralar koʻrib, zimmasidagi maʼsuliyatni ado etishga intiladi. Xususan, 2019-yilda Toryop mahallasida toʻrt marta aholi bilan sayyor qabul oʻtkazdi va uyma-uy yurib muammolarni, aholi turmushidagi kamchiliklarni oʻrgandi.

Ayniqsa, oʻsmirlar, yoshlar bilan uchrashib, ularning yot gʻoyalar taʼsiriga berilmasligi, oʻqib, ilm olishlari va barkamol boʻlib voyaga yetishlari uchun yaratilgan sharoitlar haqida suhbatlashib, kelajagimiz egalarining jamiyatimizga kerakli insonlar boʻlib voyaga yetishishlariga munosib hissa qoʻshmoqda. Jamoat tartibini saqlash, maʼmuriy huquqbuzarliklarning, jinoyatlarning oldini olish borasida olib borilgan targʻibot ishlari natijasida hududda aholi tinchlik-osoyishtaligi taʼminlanmoqda. Koronavirus pandemiyasi tufayli oʻrnatilgan karantin qoidalarini buzish kabi noxush holatlar sodir etilmadi, aholi uyda qolib, hunari, chorvasi, dehqonchiligi tufayli daromad topib, farovon yashashmoqda.

Chindan ham keyingi vaqtlarda Mangʻit-Kuyuk koʻpir yoʻli orqali Xoʻjaovul aholi punktidan oʻtib, Toryop mahallasiga olib boruvchi yoʻlning notekisligidan yoʻlovchilar aziyat chekayotgan, bu boʻyicha sektor rahbariga murojaatlar ham kelib tushgan edi. Yoʻlning 3 kilometrlik qismi sektor rahbari Ulugʻbek Xudoyberganovning amaliy yordami bilan joriy taʼmirlangani uchun hudud aholisi unga minnatdorchilik bildirmoqda. Zarur joylariga mayda tosh toʻkilib, maxsus texnikalar yordamida yoyilgan va zichlangan yoʻlning ushbu qismining holati joriy taʼmirdan keyin avvalgisidan ancha yaxshilandi. Shuni ham aytib oʻtish kerakki, yoʻl taʼmiri ishlarida mahalla yoshlari ham koʻngilli sifatida yordamga kelishdi.

Bir soʻz bilan aytganda, sektorlar aholining turmushi farovonlashuvida, kundalik hayotdagi muammolarining aniqlanishi va bartaraf etilishida muhim ahamiyat kasb etmoqda.

Oygul PAJABOVA.