BUNYoDKORLIK – TARAQQIYoT TIMSOLI

Dunyoning koʻpgina davlatlari koronavirus pandemiyasi tufayli iqtisodiy qiyinchiliklarga duch kelib, ish oʻrinlari qisqarib, aholisi qashshoqlashish darajasi oʻsishi kuzatilgan 2020-yilda ham pandemiyaning tarqalib ketishining oldini olish va jilovlashga qaratilgan oqilona chora-tadbirlar  tufayli mamlakatimizda  epidemologik holat yaxshilanib, bunyodkor xalqimiz ertagi kunimizning yanada obod va farovon boʻlishiga  astoydil intilib mehnat qildi. Natijada butun mamlakatimizda boʻlgani kabi tumanimizning barcha hududlari ham zamonaviy qiyofa kasb etib, muhtasham turar joy binolari, maktablar, maktabgacha  taʼlim tashkilotlari, idora, korxonalarning maʼmuriy binolari, dam olish, maishiy xizmat koʻrsatish maskanlari binolari qurilib foydalanishga topshirildi.

2021-yilning 10-yanvar holatiga belgilangan dastur asosida barcha manbalar hisobidan 50 milliard 672 million soʻmlik  investitsiyalar va boshqa  mablagʻlar oʻzlashtirildi. Bular asosan 8 ta maktabni, 6 ta maktabgacha taʼlim tashkilotini rekonstruktsiya qilish, tuman Madaniyat boʻlimi maʼmuriy binosini mukammal taʼmirlashga sarflandi. 7 ta koʻp qavatli uy-joylar mukammal taʼmirlandi, 5 ta koʻpqavatli uylar yangidan qurildi, 6,9 kilometrlik yangidan ichimlik suvi quvurlari  tortildi. 7,93 kilometrlik davlat va mahalliy ahamiyatdagi avtomobil yoʻllari joriy taʼmirlandi, shuningdek, 11 ta boshqa obʼektlarda qurilish-taʼmirlash ishlari bajarildi.

Bundan tashqari 2019-yilgi “Obod qishloq” Dasturi doirasida qurilishi tugallanmagan 3 ta maktabgacha taʼlim tashkilotlarining rekonstruktsiyasi 2-bosqich uchun 4 milliard 263 million soʻmlik qurilish-taʼmirlash ishlari ham 2020-yilda toʻliq bajarildi. Tumanda yoshlarni kasb-hunarga oʻqitish maqsadida 2 qavatli zamonaviy “Yoshlar oʻquv markazi” binosi qurilishi davom ettirilmoqda.

Tumanimizning Gulzor mahallasida jami bahosi 12,3 milliard soʻmlik 72 xonadonli 4 qavatli 3 ta arzon uy-joylar qurilishi davom ettirilmoqda. Ushbu obʼektlarni 2021-yil aprel oyida foydalanishga topshirish rejalashtirilgan. 2020-yilda loyiha qiymati 1 milliard 145 million soʻm boʻlgan 6,9 kilometrlik yangi suv tarmoqlari tortilib, foydalanishga topshirildi.

Shuningdek, Investitsiya dasturiga muvofiq Yusuf xoʻja aholi punktida 2,8 kilometr, Olmazor va Yangiobod mahallalarida 4 kilometrdan ortiq yangi  suv tarmogʻi tortilib, foydalanishga topshirildi.

2021-yil uchun belgilangan rejalar yanada yuksak. Ijtimoiy soha va infratuzilma obʼektlarini yaxshilash maqsadida tumanda kelgusi yil uchun belgilangan dasturlar asosida barcha manbalar hisobidan 76 milliard 525 million soʻmlik jami 22 ta obʼektlarda investitsiyalar va boshqa dasturlar asosida qurilish-taʼmirlash ishlari olib boriladi. Ushbu dastur asosida 1 ta maktab, 1 ta maktabgacha taʼlim tashkiloti binolarini rekonstruktsiya qilish, 1 ta tugʻruqxona binosini yangidan barpo etish, 27 ta koʻp qavatli uy-joylarda mukammal taʼmirlash va qurilish ishlari, 7,2 kilometr ichimlik suv quvurlarini tortish va 1 ta suv inshootini rekonstruktsiya qilish, 3,35 kilometr davlat va mahalliy axamiyatidagi avtomobil yoʻllarini joriy taʼmirlash ishlari amalga oshiriladi.

2021-yilda Xolimbeg, Qangli, Qipchoq ovullari hamda Uyshin mahallasi hududi optik tolali internet tarmogʻi bilan toʻliq qamrab olinadi.

Oq oltin ovuli hududida joylashgan 37-sonli suv tarqatish inshooti rekonstruktsiya qilinib, 7,2 kilometr suv tarmogʻi yangidan tortiladi.

Shuningdek, “Obod qishloq” Davlat dasturi asosida 5 ta mahalla - Xitoy, Kuyuk koʻpir, Bobur ovullari, Ayoqchi mahallasi hamda Jumurtov shaharchasi ijtimoiy soha obʼektlari va infratuzilma obʼektlarida qurilish-taʼmirlash ishlari olib borilishi rejalashtirilgan.

Amalga oshirilayotgan buningdek bunyodkorlik ishlari tumanimiz qiyofasi yana ham goʻzallashib, aholi turmushi sifati yaxshilanishiga xizmat qiladi.

Oygul RAJABOVA.