ShIFOKORLAR KORONAVIRUSDAN VAFOT ETGAN MARHUM HAMKASBLARI OILASIDAN XABAR OLIShDI

Butun dunyo boʻylab tarqalagan koronavirus infektsiyasi pandemiya tusini olib, oʻtgan yili mart oyidan yurtimizga ham kirib keldi. Tibbiyot xodimlari ushbu ofat bilan kurashishda matonat bilan mehnat qilmoqdalar. Buning natijasida kasallikga qarshi kurashish, uni davolash va oldini olishda bir qator yutuqlarga erishilmoqda. Afsuski, bu yutuqlarga erishish yoʻlida  yoʻqotishlar ham boʻldi.

Tuman Tibbiyot birlashmasining tajribali shifokorlaridan bir qanchasi bemorlar bilan muloqot chogʻida ushbu infektsiyani yuqtirib olganligi tufayli kasallikka chalinib, vafot etdi.

9-may – Xotira va qadrlash kuni munosabati bilan Tibbiyot birlashma maʼmuriyati va kasaba uyushma qoʻmitasi tashabbusi bilan koronavirusdan  vafot etgan hamkasblarni xotirlash maqsadida tadbir tashkil etildi. Markaziy shifoxona maʼmuriyati va kasaba ushma aʼzolaridan tuzilgan ishchi guruh akusher-ginekolog shifokor B.Eshmuradov, tez tibbiy yordam shifokori I.Jumamuradov, reanimatsiya boʻlimi kichik tibbiy xodimi G.Yunusovalar xonadonida boʻlib, ularning oilasi va yaqinlari holidan xabar olishdi.

Marhum hamkasblar xotirasi yodga olinib, ularning ruhiga Qurʼon tilovat qilindi. Har bir xonadonga bayram sovgʻasi sifatida  oziq-ovqat mahsulotlari  tarqatildi.

J.Yavkashev, tuman Tibbiyot birlashmasi shifokori.