Ustaxona faoliyatidan fermerlar mamnun
“Toʻlqin” MMTP hududdagi 16 ta fermer xoʻjaliklariga texnik xizmat koʻrsatadi. Fermer xoʻjaliklari tasarrufidagi 560 gektar paxta ekiladigan maydonlarni oʻz vaqtida shudgorlash, yaxob suvi berishga tayyorlash, 491 gektar kuzgi bugʻdoy uchun moʻljallangan yerlarni haydash, tekislash va kelgusi yil hosili uchun mustahkam zamin tayyorlashda MMTP ishchilari, usta-chilangarlarining xizmati katta.
MMTP muhandis-texnik xodimlari joriy 2022-yilgi qishloq xoʻjalik yilida ham fermer xoʻjaliklariga texnik xizmat koʻrsatishni yanada yaxshilash maqsadida texnika vositalari, ekish-tikishda qatnashadigan agregatlarni sifatli taʼmirlash va bahorgi mavumga taxt qilib qoʻyish borasida fermer xoʻjaliklari rahbarlari bilan bamaslahat ish yuritishmoqda. MMTP ustaxonasida usta-chilangarlar va ishchilar uchun barcha sharoitlar mavjud. Namunali tushlik, yaxshi dam olish sharoitlari yaratilgan. Ishchilar va muhandis-texnik xodimlarning hamjihatlikda amalga oshirayotgan saʼy-harakatlaridan hududdagi fermer xoʻjaliklari rahbarlari ham mamnun.
Ayni paytda MMTP ustaxonasida texnikalarni bahorgi ekish mavsumiga tayyorlash, tiklash-taʼmirlash ishlari amalga oshirilib, 19 ta kultivator, 11 ta seyalka, 16 ta mola, 103 ta borona toʻliq taʼmirdan chiqarildi.
Suratda: (chapdan) “Jumabekov Joʻlliboy” fermer xoʻjaligi raisi Rustam Jumabekov, MMTP raisi (oʻrtada) Rufat Ahmedov va “Qurbonboyev Sobir” fermer xoʻjaligi raisi Komiljon Qurbonboyevlar galdagi vazifalar haqida oʻzaro fikrlashmoqdalar.
M.ShOMURODOV olgan surat.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
