Hokim yordamçisi xalq xizmatida

Bugungi kunda Amudaryo tumanida 49 ta ovul va mahalla fuqarolar yiğini mavjud bölib, har bir ovul va mahallaga 1 nafar hokim yordamçisi biriktirilgan. Hokim yordamçilari aholi bandligini taʼminlaş, kambağallikni qisqartiriş böyiça tizimli işlar olib bormoqda.

Jumladan, Arnaböyi mahallasining hokim yordamçisi Suroj Örazmatov ham yanvar oyida hokim yordamçisi lavozimiga oçiq tanlov asosida tayinlaib, öz iş faoliyatini samarali tarzda olib bormoqda.

Mahallaga aholi jon boşidan kelib çiqib, 1 mlrd. 522 mln söm miqdorda kredit resurslari ajratilgan bölib, bugungi kunda 35 nafar fuqaroga uşbu mablağlar hisobidan 780 mln. söm miqdorida tadbirkorlikning turli yönalişlari bilan şuğullaniş uçun kreditlar ajratildi.

Bugungi kunda mahallada 770 ta xonadonda 4 ming 299 nafar aholi istiqomat qiladi. Hokim yordamçisi uşbu fuqarolar bilan birma-bir suhbatlaşiş asnosida muammolarni “xonadonbay” tarzda örganib hal qilişga erişmoqda.

Jumladan, mahallada yaşovçi Çarşamboy Qöçqarovga 33 mln. söm miqdorida imtiyozli kredit olişda amaliy yordam berildi. Çarşamboy aka uşbu mablağga yuk taşişga möljallangan mototsikl sotib olib, mahalladoşlarining oğirini yengil qiliş bilan birga ançagina daromad ham topmoqda. Qolaversa, öz dalasida yetiştirgan qişloq xöjaligi mahsulotlarini bozorga olib çiqib sotişda, mahalladoşlarining oğir yuklarini manzillariga yetkazib berişda uşbu mototsikl qöl kelmoqda. Mahallada hokim yordamçisi kömagi bilan mana şunday mototsikl sohibi bölgan yana 3 nafar fuqaro bor.

Undan taşqari, hokim yordamçisining bevosita yordami bilan 20 mln. söm imtiyozli kredit olib, hovlisida asalariçilik bilan şuğullanayotgan Ozodboy Törayev ham katta daromad körmoqda. Ayni kunlarda Ozodboy aka asalari qutilaridan asal yiğib olmoqda. 20 quti asalari uyasidan 350-400 kilogrammdan ortiq asal olib, 1 kilogramm asalni 60 ming sömdan sotadi va har mavsumda 24-25 million söm atrofida foyda köradi.

Ayni kunlarda Arnaböyi mahallasida parrandaçilik kooperatsiyasini taşkil qiliş böyiça ham taşkiliy işlar olib borilmoqda.

Bundan taşqari, hokim yordamçisining amaliy kömagi bilan mahalla hududida istiqomat qiluvçi “Ayollar daftari”, “Yoşlar daftari”ga kiritilgan 25 nafar fuqaroning har biriga 80 ta tovuq, şuningdek, tovuqlarni boqiş uçun 1 oylik don-dun olib berildi. Tovuqlardan bir kunda örtaça 70-75 ta tuxum olinib, bozor rastalari arzon va sifatli tuxumlar bilan taʼminlanişiga hissa qöşilmoqda. Işsiz, bandligi taʼminlanmagan ayol-qizlar, yoşlarga berilgan bunday imkoniyat ularning uyda ötirib ham katta daromad topişida muhim omil bölib xizmat qilayotir.

Aytiş joizki, joriy yildan boşlab mamlakatimiz mahallalarida iş boşlagan uşbu mutlaqo yangi tizim ahvoli oğir oilalarga manzilli kömak beriş, ularni işbilarmonlikka jalb qiliş orqali kambağallikni qisqartiriş va xalqimiz farovonligini taʼminlaşga qaratilgani bilan katta ahamiyatga ega. Qolaversa, kimningdir oğirini yengil qiliş, yaşaş şaroitining yaxşilanişiga yordam berişning savobi uluğdir. Arnaböyi mahallasining hokim yordamçisi Suroj Örazmatov ham mahallasida istiqomat qilayotgan aholining muammolarini hal etişda ularga kömakçi va suyançiq bölib kelmoqda.

Tuman hokimligining Axborot xizmati