Belgilanmagan joylarda choʻmilish hayotingiz uchun xavfli
Yozgi taʼtil vaqtida oʻquvchilarning aksariyat qismi mavsumni mamlakatimizning eng soʻlim goʻshalaridagi oromgohlarda dam olib oʻtkazishadi. Bu manzillarda yoshlar nafaqat hordiq chiqarishadi, balki viloyatlardan kelgan tengdoshlari bilan doʻstlashadi.
Ammo uyda, ota-onasi bagʻridagi oʻquvchilar taʼtilni qanday oʻtkazadi, bu jarayonda oila boshliqlari nimalarga eʼtibor qaratishlari lozim, degan haqli savol tugʻiladi.
Gap shundaki, koʻpchilik ota-onalar turmush tashvishlari sabab, farzandi nimalar bilan mashgʻulligidan bexabar qolishadi. Ayniqsa, kunning issigʻida bolalarning oʻrtoqlari bilan beboshlik qilib, daryo va koʻllarga, shuningdek, taqiqlangan suv havzalariga borib choʻmilishlari koʻngilsiz voqealar bilan yakunlanishi mumkin. Shunday paytda bolalarga eʼtibor kuchaytirilib, choʻmilishning tartib-qoidalariga amal qilinmasa, baxtsiz hodisalar sodir boʻlmasligiga hech kim kafolot bermaydi.
Maʼlumotlarga koʻra, suvda suzishning huzurbaxshligi bilan birga har yili belgilanmagan joyda choʻmilishlar oqibatida dunyoda 300 ming nafardan ortiq kishi bevaqt hayotdan koʻz yumishi qayd etilgan.
Mana shu maʼlumotning oʻzi ham har bir inson, “suvda choʻkish men va mening yaqinlarim bilan sodir boʻlmaydi” – degan beparvolikdan chekinishi lozimligini koʻrsatadi. Baxtsiz hodisalarning oldini olishimiz uchun oila aʼzolarimiz va atrofdagilarni mavjud xavf-xatarlardan ogoh etishni kundalik vazifamizga aylantirishimiz zarur. Zero, har bir inson uchun farzand aziz, yaqin qarindoshlar esa muqaddasdir.
Afsuski, keyingi 5-yil oraligʻida suvda choʻkib halok boʻlgan yoshlarning 95 foizi ota-onalar tomonidan nazoratsiz qoldirilishi hamda oʻzboshimchalik bilan belgilanmagan va taqiqlangan joylarda choʻmilishi oqibatida sodir boʻlgan. Katta yoshdagi fuqarolarning suvga choʻkishlarida esa asosan spirtli ichimliklar isteʼmol qilib, mast holda suvga tushishlari sabab boʻlyapti.
Ayni paytda shu singari hodisalar qayta takrorlanmasligi va uning oldini olish maqsadida tuman Favqulodda vaziyatlar boʻlimi xodimlari tomonidan tegishli tashkilotlar bilan hamkorlikda belgilanmagan joylarda choʻmilmaslik borasida aholi orasida tushuntirish va prafilaktika tadbirlari olib borilyapti. Shuningdek, daryo qirgʻoqlariga, suv havzalariga taqiqlovchi belgilar va bannerlar oʻrnatilmoqda. Oʻtkazilayotgan chora-tadbirlar natijasida joriy yilning iyul oyigacha boʻlgan davrda tumanimizda suvga choʻkish bilan bogʻliq holatlar kuzatilmadi.
Aziz yurtdoshlar, oʻzinggiz va oila aʼzolaringizning hayotiga beparvo boʻlmang!
Z.Atabayev, Amudaryo tumani FVB xodimi, katta serjant
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
