QOZOQ ADABIYoTINING YoRUGʻ YuLDUZI
Bizning 45-sonli umumiy oʻrta taʼlim maktabimizda oʻzbek millatiga mansub oʻquvchilar uchun oʻzbek sinflar bilan bir qatorda qozoq millatiga mansub oʻquvchilar uchun qozoq sinflari ham mavjud. Qozoq abadiyotini chuqur oʻrganish maqsadida maktabimizning qozoq sinflarida qozoq adabiyotining yorugʻ yulduzi boʻlgan Abay Qunonboyevning hayoti va ijodiga bagʻishlab kecha oʻtkazildi. Kechaga barcha maktab oʻquvchilari taklif etildi. Oʻzbek sinflari oʻquvchilari ushbu tadbir tufayli koʻp maʼlumotlarga ega boʻlishdi. Kechada Abayning hayoti va ijodi haqida aytildi. Shoirning bir-biridan mazmunli sheʼrlari yangradi. Shuni ham taʼkidlab oʻtish joizki, buyuk qozoq shoiri Abay Qunonboyev hikmatli soʻzlar ustasi boʻlgan. Shoir oʻz sheʼrlarida yoshlarga axloqiy jihatdan koʻpgina saboq bergan. U sheʼrlari orqali bolalarga oʻz vaqtida taʼlim olishni, hayotda adashmaslikni, oq va qorani, yaxshi va yomonni ajrata olishni nasihat etgan. Abay hikmatlarga toʻla sheʼrlar bilan bir qatorda poemalar ham yozib qoldirgan. Kecha barcha oʻquvchilar qalbida millatlararo totuvlik hamda Abay ijodiga cheksiz ehtirom va hurmat hissini uygʻotdi.
Gulzira AYTBOYeVA,
45-sonli umumiy oʻrta taʼlim maktabining 9-sinf oʻquvchisi.
(Foto - http://altaynews.kz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
