DEPUTAT SAYLOVChILAR BILAN UChRAShDI
Shu yilning 26-mart kuni tuman hokimligining katta majlislar xonasida 32-Qilichboy saylov okrugidan Qoraqalpogʻiston Respublikasi Joʻqorgʻi Kengesi deputati, Oʻzbekiston Respublikasi axborot texnologiyalari va kommunikatsiyalarini rivojlantirish vaziri Mirzaxidov Xurshid Mirsabirovichning saylovchilar bilan uchrashuv yigʻilishi boʻlib oʻtdi.
Yigʻilishni tuman hokimining birinchi oʻrinbosari B.Ernazarov kirish soʻz bilan ochib, 32-Qilichboy saylov okrugidan Qoraqalpogʻiston Respublikasi Joʻqorgʻi Kengesi deputati Mirzaxidov Xurshid Mirsabirovichning deputatlik faoliyatiga va uning Oʻzbekiston Respublikasi axborot texnologiyalari va kommunikatsiyalarini rivojlantirish vaziri sifatida olib borayotgan ishlariga keng toʻxtaldi.
Shundan soʻng deputat X.Mirzaxidov oʻzining deputatlik faoliyati yuzasidan axborot berdi.
Deputat axborotidan keyin tuman hokimining birinchi oʻrinbosari B.Ernazarov soʻzga chiqib, X.Mirzaxidovning amaliy yordami bilan Mangʻit shahri – Qilichboy va Doʻrman ovullari oraligʻiga salkam 500 mln. soʻmlik mablagʻ evaziga umumiy uzunligi 23,2 km. boʻlgan shisha tolali aloqa kabeli tortilib, foydalanishga topshirilganligi, buning esa tumanimizning chekka hududlarida joylashgan Qilichboy va Doʻrman ovullaridagi aholi punktlariga sifatli telefon aloqasi, yuqori tezlikdagi internet, IP-telefoniya, IP-televideniye, videoselektor xizmatlaridan foydalanish imkoniyatini berganligi, shuningdek, tumandagi Qipchoq, Choykoʻl va Qilichboy ovullarida joylashgan avtomat telefon stantsiyalariga 74 mln. soʻmlik quyosh panellari oʻrnatilib, ularning uzluksiz ishlab turganligi haqida gapirdi.
Axborot yuzasidan muzokaralarda ishtirok etganlar mamlakatimizda axborot-kommunikatsiya sohasini isloh qilish boʻyicha amalga oshirilayotgan ishlarga yuqori baho berdilar va deputatga savol hamda takliflar bilan murojaat qildilar.
Yigʻilishda Qoraqalpogʻiston Respublikasi Vazirlar Kengashi raisi B.Yangiboyev soʻzga chiqib, deputat X.Mirzaxidovga amaliy yordamlari uchun Qoraqalpogʻiston Respublikasi Joʻqorgʻi Kengesi hamda Vazirlar Kengashi nomidan minnatdorchilik bildirdi.
Yigʻilishda bildirilgan fikr-mulohazalar va takliflar asosida tegishli qaror qabul qilindi.
Tuman hokimligining axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
