YoSh SPORTChILAR YuTUFI
Oʻquvchilarning yozgi taʼtil kunlarini mazmunli tashkil etish, boʻsh vaqtlarida foydali mashgʻulotlarga jalb etish va oʻquvchi-yoshlar orasida sportning ommaviyligiga erishish maqsadida har yili yoz mavsumida turli sport musobaqalari oʻtkaziladi. "Yoz - 2016”sport musobaqalari ham shular sirasidandir.
Bu yil "Yoz - 2016” sport musobaqalarining Qoraqalpogʻiston Respublikasi bosqichi 5-13-avgust kunlari oraligʻida qizgʻin kurashlar ostida boʻlib oʻtdi.
Musobaqaning Qoraqalpogʻiston Respublikasi hududiy va final bosqichida tumanimizdan jami 81 nafar yosh sportchilar futbol, voleybol, basketbol, gandbol, yengil atletika, stol tennisi, badiiy gimnastika, shaxmat boʻyicha qatnashib, oʻzlarining iqtidorlarini namoyish etdilar.
Tumanimiz vakillari Nukus shahrida 6-avgust kuni boʻlib oʻtgan hududiy bosqichda futbol, voleybol boʻyicha birinchi, voleybolchi qizlar jamoasi ikkinchi, basketbolchi oʻsmirlar va qizlar jamoasi uchinchi, gandbol boʻyicha oʻsmirlar va qizlar jamoasi ikkinchi oʻrinlarni egallagan edilar.
12-avgust kuni boʻlib oʻtgan mazkur musobaqaning Qoraqalpogʻiston Respublikasi final bosqichida tumanimizning futbol jamoasi ikkinchi, voleybolchi oʻsmirlar jamoasi birinchi oʻrinni egalladi.
Shuningdek, shaxmat turidan 56-sonli maktab oʻquvchisi Saidbek Qadamboyev birinchi, 40-sonli maktab oʻquvchisi Sadoqat Rahimova uchinchi oʻrinni yengib oldi va tumanimiz yosh shaxmatchilari jamoaviy hisobda birinchi oʻrinni zabt etdi.
Musobaqaning stol tennisi turidan 16-sonli maktab oʻquvchisi Jamshidbek Yusufboyev ikkinchi, 16-sonli maktab oʻquvchisi Farida Sobirova ikkinchi oʻrinni egalladi.
Yosh sportchilarimizning ushbu nufuzli musobaqadagi gʻalabalari barchamizni quvontirdi.
Gʻulomjon Qurbonboyev,
TXTMFMTTE boʻlimi uslubchisi.
(Foto - http://adolat.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
