Buyuklar xotirasi abadiydir
Prezidentimiz Shavkat Mirziyoyevning 2017-yil 25-yanvardagi "Oʻzbekiston Respublikasining Birinchi Prezidenti Islom Abdugʻaniyevich Karimovning xotirasini abadiylashtirish toʻgʻrisida”gi qarori butun xalqimiz xohish-istagining amaliy ifodasi boʻldi. Joylarda Birinchi Prezidentimiz tavallud topgan sana oldidan oʻtkazilayotgan uchrashuvlar va davra suhbatlarida bu fikr oʻz tasdigʻini topmoqda.
Birinchi Prezidentimiz tavallud topgan sana oldidan tumanimizdagi 31-sonli maktabda Oʻzbekiston "Milliy tiklanish” demokratik partiyasi va "Taraqqiyot koʻzgusi” gazetasi tahririyati hamkorligida tadbir oʻtkazildi. Unda taʼkidlanganidek, Oʻzbekiston Respublikasi Birinchi Prezidenti Islom Karimovning Oʻzbekiston taraqqiyoti, xalqimiz manfaati yoʻlida amalga oshirgan ezgu ishlari, islohotlarining qadri yillar davomida oshib boraveradi. Zero, bu insonning xotirasini nafaqat bugungi, balki kelajak avlodlar ham mustaqilligimiz meʼmori sifatida yuksak qadrlaydi. Davlatimiz rahbari Shavkat Mirziyoyevning joriy yil 25-yanvardagi "Oʻzbekiston Respublikasining Birinchi Prezidenti Islom Abdugʻaniyevich Karimovning xotirasini abadiylashtirish toʻgʻrisida”gi qarori buning amaliy ifodasi boʻlib, mazkur hujjat keng jamoatchilik tomonidan mamnuniyat bilan kutib olindi.
Tadbirda xalqimiz atoqli farzandining davlat va siyosat arbobi sifatidagi keng qamrovli faoliyati, amalga oshirgan ishlari yana bir bor eʼtirof etildi.
***
Mangʻit iqtisodiyot kasb-hunar kollejida ham shu kabi uchrashuv oʻtkazildi. Tadbirda Oʻzbekiston "Milliy tiklanish” demokratik partiyasining asosiy dasturiy maqsad-vazifalari boʻlgan milliy tiklanish gʻoyasini amalga oshirish, barqaror milliy rivojlanishni taʼminlash, milliy, madaniy va maʼnaviy qadriyatlarni, boy tarixiy merosimizni asrab-avaylash masalasi, «Yuksak maʼnaviyat – yengilmas kuch» gʻoyasini amalga oshirish vazifasi bevosita Birinchi Prezidentimiz Islom Karimovning "Mustaqillik – maʼnaviy tiklanish va yuksalishdir” tamoyili asosida yaratilgani alohida taʼkidlandi.
Tadbirda oʻquvchilar ham Birinchi Prezidentimizning yoshlarga qaratgan eʼtibori xususida toʻlqinlanib soʻzladilar va aʼlo baholarga oʻqib, kasb-hunar sirlarini puxta egallab, Islom Karimov orzu qilganlaridek, yuksak marralarga erishishni oʻz oldlariga maqsad qilib qoʻyganini taʼkidladilar.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
