XALQ FAROVONLIGI – BOSh MAQSADIMIZ

2000-yil 25-mayda qabul qilingan «Tadbirkorlik faoliyati erkinligining kafolatlari toʻgʻrisida»gi Oʻzbekiston Respublikasining Qonuni tadbirkorlikning rivojlanishida huquqiy asos boʻlayotgan meʼyoriy hujjatlardan biridir. Qonunning asosiy vazifalari fuqarolarning tadbirkorlik faoliyatida erkin ishtirok etishi va manfaatdorligi uchun kafolatlar hamda sharoitlar yaratishdan, ularning faolligini oshirishdan, shuningdek tadbirkorlik faoliyati subʼektlarining huquqlari va qonuniy manfaatlarini himoya qilishdan iborat.

Qonunda tadbirkorlik faoliyatini amalga oshirish asoslari, tadbirkorlik faoliyati subʼektlari huquqlarining kafolatlari va uni himoya qilish, tadbirkorlik faoliyatini davlat yoʻli bilan qoʻllab-quvvatlash mexanizmlari aniq belgilab berilgan.

Bugungi kunda ushbu Qonun iqtisodiyotning liberallashishi va bozor iqtisodiyotining rivojlanishiga yoʻnaltirilgan chora-tadbirlarning mantiqiy davomi sifatida kichik biznes va hususiy tadbirkorlik faoliyatini kreditlash, davlat buyurtmalarini qabul qilish hisobiga kengayishiga, yangi soliq imtiyozlariga asosan tadbirkorlar tomonidan mahsulot ishlab chiqarishning keng yoʻlga qoʻyilishiga zamin yaratmoqda.

Mazkur Qonunga asosan tumanda qator ijobiy ishlar amalga oshirilgan. Oʻtgan yili 236 ta kichik biznes subʼektlari tashkil qilinib, hozirgi kunda jami 2054 ta kichik biznes subʼektlari faoliyat koʻrsatmoqda. 2013-yilning iyul holatiga 139 ta yuridik shakldagi hamda 355 ta yakka tartibdagi tadbirkorlik subʼektlari davlat roʻyxatdan oʻtkazilgan.

Tumanda kichik biznes va xususiy tadbirkorlikni qoʻllab-quvvatlash hamda 2012-yilgi iqtisodiy dasturning eng muhim ustuvor vazifalarini amalga oshirish borasida tashkil qilingan ishlar natijasida oʻtgan 2012-yilda sanoat mahsulotlari ishlab chiqarish hajmi 51 mlrd. 723,8 mln. soʻmni tashkil qilib, solishtirma narxlarda oʻtgan yilga nisbatan 114,6 foizni, xalq isteʼmol tovarlari ishlab chiqarish 105,1 foizni, qishloq xoʻjaligi yalpi mahsulotlari 115,9 foizni, moliyalashtirishning barcha manbalari hisobidan kapital qoʻyilmalar 2,9 barobarni, pudrat ishlari 111,4 foizni, chakana savdo 111,1 foizni, pullik xizmat koʻrsatish 127,5 foizni tashkil qilib, tuman iqtisodiyot tarmoqlarining barcha sohalarida oʻsim surʼatlariga erishildi. 2013 yilning I choragi yakunlariga koʻra bu koʻrsatkichlarning yanada oʻsishi kutilmoqda.

Tumanimizda kichik biznes va xususiy tadbirkorlik subʼektlariga byudjetdan tashqari jamgʻarmalar hamda tijorat banklarining imtiyozlikreditlarini olishga barcha shart-sharoitlar toʻliq yaratilgan desak boʻladi. Tadbirkorlikni rivojlantirish va qoʻllab-quvvatlash maqsadida oʻtgan yil davomida 21 mlrd. soʻm miqdorida kredit mablagʻlari ajratib berildi. Shu davr ichida 236 ta kichik biznes subʼektlari tashkil qilinishiga erishilib, harakatdagi kichik biznes subʼektlari soni 1932 taga etdi.

"Bandlik” dasturi doirasida tumanimizda kichik biznes va xususiy tadbirkorlikni rivojlantirish va qoʻllab-quvvatlash natijasida yangi ish oʻrinlari yaratish maqsadida oʻtgan 2012-yilda 8 mlrd. 292 mln. soʻmmiqdorida kredit mablagʻlari ajratildi. Joriy yilda esa bu ishlar yanadarivojlantirilmoqda. Bu harakatlarning bari xalqimiz, turmushi farovonligiga erishishga qartilgandir.

M.KAZAKOV,

xalq deputatlari tuman Kengashi deputati.