Yoʻllarimiz ravon boʻlsa, turmushimiz farovon boʻladi

Keyingi yillarda mamlakatimizda shahar, ovul va mahallalarni obodonlashtirish, yangi uy-joy va boshqada maʼmuriy, maishiy obʼektlar qurilishlarini jadallashtirish orqali aholiga qulayliklar yaratish yuzasidan koʻlamli ishlar amalga oshirilmoqda. Albatta, bunday yangilanishlarni ravon yoʻllarsiz tasavvur etib boʻlmaydi.

Shu bois tuman Yoʻllardan foydalanish unitar korxonasi uchun ham 2018-yilda bajarilishi lozim boʻlgan katta vazifalar belgilab berilgan.

Jumladan “4r 181” “Qipchoq pr – Mangʻit sh. – Turkmaniston Respublikasi chegarasi” Respublika ahamiyatidagi avtomobil yoʻlining 3 km. qismini toʻla taʼmirlash ishlari uchun 2018-yilga 7,9 mlrd. soʻm ajratilgan boʻlib, shu kungacha 4,2 mlrd. soʻmlik ish bajarildi.

Joriy yilning shu kunigacha mahalliy ahamiyatdagi avtomobil yoʻllarini joriy taʼmirlash ishlari uchun 507,7 mln. soʻm ajratilgan boʻlib, 8 oy davomida 349,6 mln. soʻmlik ish bajarildi.

Jumladan, «4 k 32 a» avtomobil yoʻlida 1,56 km. uzunlikdagi piyodalar yoʻlakchasida tuproq ishlari bajarildi va «4 n 96» avtomobil yoʻlida 0,15 km. uzunlikdagi piyodalar yoʻlakchasi taʼmirlandi, «4 k 46» avtomobil yoʻlining 0,3 km. uzunlikdagi yoqa qismi chaqiq tosh bilan mustahkamlandi, yoʻl belgilari almashtirildi, avtobekat qurildi.

Shuningdek, mahalliy ahamiyatdagi avtomobil yoʻllarini saqlash ishlari boʻyicha salkam 516 mln. soʻmlik, Respublika ahamiyatidagi avtomobil yoʻllarini joriy taʼmirlash ishlari uchun 6 mlrd. soʻmlikdan ortiq, Respublika ahamiyatidagi avtomobil yoʻllarini va Qipchoq panton koʻprigini saqlash maqsadida 603 mln. soʻmlikdan ortiq ishlar amalga oshirildi.

Tuman hududidagi ichki yoʻllarni yagona buyurtmachi injiniring kompaniyasi hisobidan joriy taʼmirlash ishlari uchun davlat dasturi boʻyicha joriy yilga 483,6 mln. soʻm ajratilgan boʻlib, shundan 8 oy davomida 185,6 mln. soʻmlik ish bajarildi.

Tuman hududidagi davlat dasturiga kiritilgan “Mintaqaviy yoʻllarga buyurtmachi xizmati” hisobidan joriy taʼmirlash ishlari uchun 2018-yilga 1 mlrd. 314,8 mln. soʻm ajratilgan boʻlib, 8 oy davomida 411,2 mln. soʻmlik ishlar bajarildi.

Ayni kunlarda tumanning “Obod qishloq” dasturiga kiritilgan “Qipchoq” shaharchasi va Nazarxon ovulidagi yoʻllarni taʼmirlash ishlari jadal surʼatlar bilan olib borilmoqda. Bu hududlarda 2018-yilning 8 oyi davomida 554 mln. soʻmlik taʼmirlash va yoʻllarga shagʻal-qum aralashmalarini yotqizish ishlari amalga oshirildi.

Bizning korxonamiz jamoasi mavjud imkoniyatlardan unumli foydalanib, el-yurtimizning yanada obod boʻlishiga, yoʻllarimizning yanada ravon boʻlishiga oʻzlarining munosib hissalarini qoʻshadi.

Anvar KAMOLOV, tuman Yoʻllardan

foydalanish unitar korxonasi direktori.