Chaqiruvga qadar boshlangʻich tayyorgarlik fanining tajribali oʻqituvchisi
Chaqiruvga qadar boshlangʻich tayyorgarlik – Oʻzbekiston Pespublikasi yoshlarini harbiy xizmatga tayyorlashning muhim bosqichi boʻlib, umumtaʼlim maktablari 10-11-sinf oʻquvchilarining boshlangʻich harbiy bilimlarini shakllantirishga xizmat qiladi.
20-sonli umumtaʼlim maktabi oʻqituvchisi Marat Setdarov yuqori sinf oʻquvchilariga chaqiruvga qadar boshlangʻich tayyorgarlik fani boʻyicha taʼlim berib kelmoqda.
U 1980-1982-yillarda harbiy xizmatda boʻldi. Harbiy xizmatdan kelgach, 1983-1987-yillarda Buxoro Davlat Pedagogika institutining boshlangʻich harbiy taʼlim va jismoniy tarbiya fakultetida tahsil oldi. Zahiradagi ofitser – katta leytenant Marat Setdarov 1987-yildan 20-sonli maktabda chaqiruvga qadar boshlangʻich tayyorgarlik fani oʻqituvchisi sifatida faoliyat yuritmoqda.
Ustozlarning mehnatlari samarasi, albatta, shogirdlar erishayotgan yutuqlarda namoyon boʻladi. Marat Setdarovning oʻquvchilari Pespublika miqyosida oʻtkaziladigan musobaqalarda faol ishtirok etishmoqda va faxrli oʻrinlarni egallab kelmoqda. Maktab oʻquvchilardan tashkil qilingan “Yosh qutqaruvchilar” jamoasi Qoraqalpogʻiston Pespublikasida oʻtkazilgan musobaqada 3-oʻrinni egalladi. “Temurbeklar” jamoasi ham faxrli oʻrinlarni qoʻlga kiritib, maktabning faxriga aylandi. U samarali mehnatlari uchun “Qoraqalpogʻiston xalq taʼlimi aʼlochisi” koʻkrak nishoni bilan mukofotlandi.
Ustozning hozirgi kunda harbiy va boshqa sohalarda faoliyat olib borayotgan juda koʻplab shogirdlari bor. Yurtimiz ravnaqiga oʻz hissalarini qoʻshayotgan shogirdlari bilan u doim faxrlanadi.
Charos Arslonova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
