Saylovga keling!

Keksamisiz, tengqur yoki yosh,

Omad boʻlsin sizlarga yoʻldosh.

El baxtiga boʻlib tilakdosh –

Ovoz bering, saylovga keling!

Boʻlib elga hamnafas, hamdam,

Boʻlmayin deb boshqalardan kam,

Ayni shu kun, shu kutilgan dam –

Ovoz bering, saylovga keling!

Bu manzilda topdikmi makon,

Masʼuliyat bizlarga har on,

Bosh Qomusda berilgan imkon –

Ovoz bering, saylovga keling!

Buyuk davlat boʻlar bir kuni,

Yangi avlod qurajak uni,

Oʻylab yoshlar kelajagini –

Ovoz bering, saylovga keling!

Tinch-totuvlik millatlar aro,

Boʻlsin deya shior oʻzaro.

Ahd qilaylik yana bir bora –

Ovoz bering, saylovga keling!

Ahmad Nafasov,

Kuyuk koʻpir ovuli.

(Foto - http://kun.uz)