KIChIK SPORTChI SUHROBBEK STOL TENNIS MUSOBAQASIDA FAXRLI OʻRIN GʻOLIBI BOʻLDI
Stol tennisi ommaviy sport turlaridan biri boʻlib, kattalar va yoshlarning sevmili mashgʻulotlaridan biri hisoblanadi. Ushbu sport turi inson sogʻligini mustahkamlashga xizmat qilish bilan birga chaqqonlik, koʻz bilan oʻlchash, tezkor oʻylash xislatlarini ham rivojlantiradi.
Shu yili 15-fevral kuni Beruniy tumanidagi Sport maktabida sportning stol tennis turidan «Insonga eʼtibor va sifatli taʼlim yili»ga bagʻishlab, 2005-2014-yillar oraligʻida tugʻilgan oʻgʻil bolalar va qizlar oʻrtasida ochiq birinchilik musobaqalari boʻlib oʻtdi. Musobaqada tumanimizdan kichik yoshli sportchi, 36-sonli maktabning aʼlochi va namunali oʻquvchisi Suhrobbek Ibodullayev ham ishtirok etdi. Stol tennis sporti bilan kichikligidan shugʻullanib kelayotgan Suhrobbek tuman Sport maktabida ustozi trener Hamida Rajabova, Fozilbek Eshchonovlardan oʻrgangan mahoratini sinovdan oʻtkazdi.
Qiziqarli va koʻtarinki ruhda oʻtgan bellashuvda tengdoshlari bilan kuch sinashgan kichik sportchi mashgʻulotlarda chiniqqanini koʻrsatib, faxrli 3-oʻrinni qoʻlga kiritishga erishdi.
Biz maktabimizdan yetishib chiqayotgan ana shunday iqtidorli yoshlarimiz bilan faxrlanamiz.
O.Xudoyberganova, 36-sonli maktabning ijodiy-madaniy masalalar boʻyicha targʻibotchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
