BOZOR RASTALARIDAGI MEVALAR, OZIQ-OVQAT MAHSULOTLARINING SIFATI NAZORAT QILINDI
Koʻpchiligimiz bozorlarimiz turli meva-cheva, oziq-ovqat, poliz mahsulotlari bilan toʻkin boʻladigan, dehqonlar mehnatidan yaralgan neʼmatlar arzonlab qoladigan yoz mavsumini juda yaxshi koʻramiz. Ayrimlar oqar suvlarda choʻmilib, quyoshda toblanib, chiniqib koʻngilli dam olish tarafdori boʻlsa, ayrimlar turli mevalardan va sabzavotlardan kompot, konserva mahsulotlari tayyorlashga kirishadilar.
Bunday jarayonda ayniqsa uy sharoitida konserva mahsulotlari tayyorlashda sanitariya-gigiyena qoidalariga amal qilinmasligi koʻpgina koʻngilsizliklarni – ovqatdan zaharlanish va botulizm kasalligiga chalinish holatlariga sabab boʻladi. Kasallik bakteriya, virus, mikroorganizmlar toksinlari bilan zararlangan mevalar, oziq-ovqatlarni, konserva mahsulotlarini isteʼmol qilish oqibatida yuzaga keladi.
Bunday hollarning oldini olish uchun yozning issiq haroratli kunlarida bozorlar rastalarida turib qolgan, terish, tashish jarayonida urinib qolgan meva, oziq-ovqat mahsulotlarini xarid qilmaslik, ovqatni toza mahsulotdan sanitariya-gigiyena qoidalariga amal qilgan holda yaxshi pishirish lozim.
Tuman Davlat sanitariya epidemiologik osoyishtaligi va jamoat salomatligi boʻlimi xodimlari dalalarda pishib yetilgan mevalar, qishloq xoʻjaligi mahsulotlarining bozorlarda sifatli sotilishi, zararlangan, aynigan mahsulotlarning sotilishining oldini olish, aholining ovqatdan zaharlanishiga yoʻl qoʻymaslik borasida mavsum mobaynida amalga oshirilishi lozim boʻlgan chora-tadbirlar rejasini ishlab chiqib, shunga muvofiq ish olib borayapti. Boʻlim shifokorlari bozorlarda, savdo oʻrinlarida mevalar, sabzavotlar va oziq-ovqat mahsulotlarining sotilishi ustidan nazorat tadbirlari oʻtkazmoqda. Aholi orasida, mahallalarda, mehnat jamoalarida ovqatdanzaharlanish va botulizm kasalligidan saqlanish borasida targʻibot olib borishmoqda.
Yaqinda oliy toifali shifokor Munavvar Kashkarova boshchiligida boʻlimning bir guruh xodimlari Mangʻit dehqon bozorida sotilayotgan oziq-ovqat, qishloq xoʻjaligi mahsulotlarining sifatini koʻzdan kechirdilar. Hududdagi savdo doʻkonlaridagi mahsulotlarning yaroqlilik muddati oʻtgan-oʻtmaganini, saqlanish holatini nazorat qildilar. Aynan saqlash qoidalariga amal qilmaslik mahsulotlarning sifati buzilishiga va isteʼmol qilgan odamning zaharlanishiga sabab boʻlishini aniq dalillar bilan tushuntirdilar.
Nazorat tadbirida yoʻllar boʻylarida, koʻchalarda muzqaymoq, salqin ichimliklar sotayotgan tadbirkorlar faoliyati ham koʻzdan kechirildi. Shifokorlar tomonidan ularga muzqaymoq va salqin ichimliklar bilan savdo qilishda sanitariya va gigiyena qoidalariga qatʼiy amal qilish, muddati oʻtgan mahsulotlarni savdoga chiqarmaslik lozimligi tushuntirildi. Xaridorlar ham oziq-ovqat, qishloq xoʻjaligi mahsulotlari, mevalar xarid qilishda oʻta hushyor boʻlishlari lozim. Chunki har kimning sogʻligʻi oʻz qoʻlida. Chindan-da tarovatli, toʻkinchilik yoz faslini osoyishta, tinch-xotirjam oʻtkazish har kimning oʻziga bogʻliq.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
