ONA SUTINING MOHIYaTI

Ona suti yangi tugʻilgan chaqaloq uchun ideal oziq-ovqat hisoblanadi. Ona sutining oqsillari, yogʻlari va uglevodlarining tarkibi va nisbati bolaning tanasi ehtiyojlariga va uning ovqat hazm qilish tizimining funktsionalligiga juda mos keladi. Ona suti ekologik toza va u doimiy haroratga ega.

Emizishning foydalari

Ona suti bolaning tanasi tomonidan oson hazm qilinadi va chaqaloqning gormonal rivojlanishida muhim ahamiyatga ega. Shuningdek, ona suti chaqaloqni turli infektsiyalardan, allergik reaktsiyalardan va kasalliklardan himoya qiladi va uning immunitetini shakllantirishga yordam beradi. Chunki ona sutidagi biologik faol moddalar majmuasining mavjudligi tufayli bola har tomonlama sogʻlom voyaga yetadi.

Emizish ona bilan bolani hissiy tarafdan yaqinlashtiradi, bolaning oilada va jamiyatda toʻgʻri psixologik xatti-harakati uchun asos yaratadi, uning ijtimoiy, intellektual va kognitiv rivojlanishiga yordam beradi. Shuningdek, emizish rejadan tashqari, yaʼni, yosh onani bevaqt homiladorlikdan saqlashda yordam beradi hamda ona sogʻligini himoya qiladi va tugʻishni meʼyorlashtiradi. Ayolni tugʻruqdan keyingi mastopatiya, koʻkrak, bachadon va tuxumdonlarda oʻsma kasalligi paydo boʻlishidan saqlaydi.

Ogʻiz suti

Ona suti tarkibi oʻzgaruvchan. Bola tugʻilgandan keyingi dastlabki 2-3 kun ichida ayolning koʻkragidan ogʻiz suti ajraladi. Keyin oʻtish davri suti va 2 haftadan soʻng yetuk sut ajraladi.

Ogʻiz suti--homiladorlikning oxirgi kunlarida va tugʻruqdan keyingi birinchi kunlarda ishlab chiqariladigan sut bezining sekretsiyasi. Yuqori proteinli qalin, yopishqoq, sariq suyuqlik, asosan sarum albumin bilan ifodalanadi. Tugʻruqdan keyingi dastlabki 3-7 kun ichida ogʻiz suti tarkibida nisbatan kamroq yogʻ, laktoza va suv mavjud boʻladi. Ogʻiz sutida yangi tugʻilgan chaqaloqni himoya qiluvchi immunoglobulinlar va antitoksinlar mavjud. Ogʻiz suti miqdori kam, kuniga oʻrtacha 30 ml, lekin uning energiya qiymati shunchalik yuqoriki, u yangi tugʻilgan chaqaloqning ozuqaviy ehtiyojlarini toʻliq qondiradi.

Emizishning ona uchun foydalari

Ona bolasini emizish jarayonida organizmida muvaffaqiyatli tarzda sut ishlab chiqarish imkoni yaratiladi va bola bilan ona oʻrtasida psixologik aloqa oʻrnatiladi. Emizish oksototsin gormoni chiqarilishini ragʻbatlantirishi tufayli bachadon hajmi tez qisqaradi, bachadondan qon ketishini toʻxtatish, tugʻruqdan keyingi stress oqibatlarini bartaraf etishga erishiladi.

Bola uchun emizishning foydalari

Qidiruv va soʻrish reflekslarini kuchaytirish, ogʻiz boʻshligʻi va ovqat-hazm qilish trakti shilliq qavatining terisini onadan ovqat hazm qilish qilish bakteriyalari bilan kolonizatsiya qilish, ogʻiz sutining birinchi qultumi bilan nafaqat toʻliq ovqat, balki ichak va boshqa yuqumli kasalliklarga qarshi himoya qiluvchi antitelalar kontsentratini ham qabul qilish uchun sharoit yaratadi.

Xulosa qilib aytganda, ona suti bola uchun mustahkam immunitetga asos soladi va yangi tugʻilgan chaqaloqning kelajakdagi tishlari holatini yaxshilaydi, bolalarda semirib ketish ehtimolini kamaytiradi.

Shuningdek, leykemiyaga qarshi emizish juda foydali. Ona suti bilan parvarish qilingan bolalarda astma va allergik kasalliklarga, yoshlikda qandli diabetga chalinish xavfini kamaytiradi, ona sutini emib ulgʻaygan bolalar yurak-qon tomir kasalliklariga chalinuvchan boʻlishmaydi.

Luiza Yangiboyeva, Tuman tibbiyot birlashmasining bosh hamshirasi